ፆኦሲ ማዾ''ም ዳኪንቴዞንሢኮ ማዾ'' 8:22-30

²²ዬያሮ ሓያ ኔኤኮ ፑርቱሞ ዻቢንቶ ጎማፓ ማዔ፤ ጎዖንቴ ፆኦሲ ኔኤኮ ዒኖ ማሊፆ ዓቶም ጋዓንዳቴ ዒዛ ሺኢቄ፤

²³ዓይጎሮ ጌዔቶ ኔኤኒ ባይዛ ቂኢሩሞ ማሊሢና ኩሜያ ሃሣ ጎሜና ቱኡቴ ዓሲ ማዔሢ ታ ዛጋኔ» ጌዔኔ።

²⁴ሲሞኦኔያ፦ «ዒንሢ ሓሢ ጌዔ ባኮይዳፓ ፔቴ'' ባኣዚ''ታዖ ታና ሄሉ''ዋጉዲ ዒንሢ ዒንሢሮ ጎዳሢ ታኣም ሺኢቁዋቴ» ጌዔኔ።

²⁵ጴፂሮሴና ዮሓኒሴና ዬሱሴ ዛሎ'' ዔራ ባኮ ማርካዺ፥ ጎዳኮዋ ቃኣሎ'' ኬኤዜስካፓ ሚርጌ ሳማሪያ ዓጮ'' ጉርዶይዳ ኮዦ ሓይሶ ኬኤዚ ኬኤዚ ዬሩሳላሜ ባንሢ ማዔኔ።

²⁶ፆኦሲኮ ኪኢታንቻ ፒልጶሴ ኮራ፦ «ዔቂ ዬሩሳላሜይዳፓ ጋኣዛ ዴንዳ ጎይፆና ሊካ ዴንዴ» ጌዔኔ፤ ዬና ጎይፃ፦ ዓሲ ናንጉዋ ዳውሌ''ይዴና ዓኣዻያኬ።

²⁷ዒዚ ዔቂ ዴንዴኔ። ዒማ''ና ፔቴ'' ዒቶጲያ ዓጮ''ኮ ካኣቶ'' ማኣራ ዓሽቲንቂ ማዻ ዒቶጲያ ዓጪ ዓሲስኬያ ፆኦሲም ዚጊ ካኣሽካኒ ዬሩሳላሜ ዴንዲ ዒኢካ ዓኣኔ፤ ዬይ ዓሢ ሂንዴኬ ጌይንታ ዒቶጲያ ዓጮ'' ካኣቴሎና ዎላ'' ቢታንቶ ዓኣያ ማዒ ማዻያ ሓሣ ሚኢሾ ዒዞኮ ቢያ ዛጊ ዓርቂ ቆላያኬ።

²⁸ዬይ ዓሢ ፓራሢ ጎቻ ሳርጌሎ ዖይቶይዳ ዴዒ ፔ ዓጮ'' ባንሢ ማዒ ዴንዲቤቃ ፆኦሲ ማሊፆ ኬኤዛ ዒሲያሴ ማፃኣፖ ናባባኔ።

²⁹ዬማና ዓያኖ ጌኤዣ ፒልጶሴም፦ «ዴንዲ ሓሴኬ ሳርጌሎ ዖይቶ ባንሢ ዑኬ» ጌዔኔ።

³⁰ዬያሮ ፒልጶሴ ጳሽኪ ዬያ ባንሢ ዴንዳዖ ዒቶጲያ ዓጮ'' ዓሢ ፆኦሲ ማሊፆ ኬኤዛ ዒሲያሴ ማፃኣፖ ናባባንቴ ዋይዚ፦ «ኔ ናባባሢኮ ቡሊ''ፃ ኔኤም ጌላ?» ጌዒ ዖኦጬኔ።