ፆኦሲ ማዾ''ም ዳኪንቴዞንሢኮ ማዾ'' 11:23-29

²³ዒዚያ ዓኣዺ ፆኦሲ ኮሹሞና ዒንጋ ዒንጊፆ ዴሮ''ም ዎማይዲ ዒንጌቶዋ ዛጋዛ ሚርጌ ዒዛ ዎዛሴኔ፤ ቢያሢ ጉቤ ዒናፓ ዶዲ ጎዳም ጉሙርቂንታያ ማዒ ናንጋንዳጉዲ ዒ ዞሬኔ።

²⁴ዒዚያ ዓያና ጌኤሺ ኩሙሢ ዎልቄና ዒዛይዳ ማዻያ ሃሣ ሚርጌና ፆኦሲ ጉሙርቃ ኮሺ ዓሲኬ። ሚርጌ ዓሲያ ጎዳ ባንሢ ማዔኔ።

²⁵ዬካፓ ባርናባሴ ሳውሌ ኮዓኒ ፄርሴሴ ጎዖ ዓጮ'' ዓኣዺ፥

²⁶ዒዛ ዴንቃዖ ዓንፆኪያ ዔኪ ዒዛ ሙኬኔ። ፔቴ'' ሌዔ ኩሙሢ ዔያታ ዒኢካ ዓኣ ኪሪስቶሴ ጉሙርቃ ዓሶና ዎላ'' ፔቴ'' ማዒ ሚርጌ ዓሲ ዔርዜኔ፤ ኪሪስቶሴ ጉሙርቄ ዓሳ ፔቴ'' ጌዒ ዓንፆኪያይዳ «ዓማኖ'' ዓሶ» ጌይንቴኔ።

²⁷ዒማ''ና ፔቴ'' ፔቴ'' ፆኦሲ ማሊፆ ኬኤዛዞንሢ ዬሩሳላሜይዳፓ ዓንፆኪያ ዴንዴኔ፤

²⁸ዔያቶይዳፓ ፔቴ''ሢ ዓጋቦሴ ጎዖሢ ዔቂ ዓጮ'' ቢያይዳ ዼኤፒ ናይዚ ኬስካንዳሢ ዓያና ጌኤሺ ማሊሴም ኬኤዛዛ፥ ዬይ ናያ ሮሜ ዓጮ'' ካኣቲ ቄላውዴዎሴ ዎዶ''ና ማዔኔ።

²⁹ዬያሮ ኪሪስቶሴ ጉሙርቃ ዓሳ ቢያ ፔቴ'' ፔቴ''ሢ ፔ ዳንዳዔሢጉዴያ ሚኢሼ ኬሲ'' ዪሁዳ ዓጮ''ይዳ ዓኣ ኪሪስቶሴ ጉሙርቃ ዓሶም ማኣዶ ዳካኒ ማሌኔ።