ዬሱሲ ኪቴዳዋንቱ ኦሱዋ 1:20-24

²⁰ጴፂሮሲ ኦዲዴ፥ «ኣዪሲ ጎፔ፥ ማዚሙሪያ ማፃፋን፥ ‹ኣ ጎሊ ሜላ ኣቶ፤ ኦኒኔ ሄዋን ዴዖፖ› ቃሲ ‹ኣ ሱንꬃቴꬃካ ሃራይ ኣኮ› ጌቴቲዴ ፃፌቴዳ።

²¹ሄዋ ዲራው፥ ኢቲ ኣሳይ ጎዳ ዬሱሳ ዴንዱዋ ማርካታናው፥ ኑናና ጋኬታናው ቤሴ፤ ዮሃኒሲ ፃማቄዳ ዎዲያፔ ዶሚዴ፥ ዬሱሲ ኑፔ ሳሉዋ ቤዳ ዎዲ ጋካናሲ፥ ጎዳ ዬሱሲ ኑናና ሃሜቴዳ ዎዲያ ኡባን ኢ ኑናና ዴዒያዋንቱፔ ኢቱዋ ጊዲ ሱንꬄታናው ቤሴ።»

²³ሄዋፔ ጉዬ ኣማኒያ ኣሳይ ዶሩዋሲ ዮስፆሳ ጊያ ባርሳባ ጌቴቲያ ዮሴፋኔ ማቲያሳ ላዑዋ ኤሴዲኖ።

²⁴ሄዋፔ ጉዪያን፥ ፆሳ ዎሲዴ፥ «ኡባ ዎዛና ኤሪያ ጎዳው፥ ዪሁዳ ኣስቆሮቱ ባሬሳ ባናው ዬጊዴ ቤዳ ኦሱዋኔ ዬሱሲ ኪቴዳ ኦሱዋ ሃዳራ ኣካናዳን፥ ሃ ላዑ ኣሳቱዋፔ ኢቱዋ ኔኒ ዶሬዳዋ ኑና ቤሳ» ያጌዲኖ።