ዬሱሲ ኪቴዳዋንቱ ኦሱዋ 11:11-17

¹¹ሄ ማንዒያንካ ሄዙ ኣሳቱ ቂሳሪያፔ ታኮ ኪቴቲዴ፥ ታኒ ዴዒያ ጎሊያ ጋኪ ኣጌዲኖ።

¹²ታኒካ ሲꬌናኒ ኡንቱንቱና ባና ማላ፥ ጌሻ ኣያናይ ታው ኦዴዳ። ቃሲ ሃ ኡሱፑን ኢሻቱ ዮጴፔ ታናና ቂሳሪያ ቢና፥ ኑኒ ቆርኔሊዮሳ ሶይ ጌሌዶ።

¹³ኪታንቻይ ባሬ ሶዪን ኤቂዴ ባሬና፥ ‹ጴፂሮሳ ጌቴቲያ ሲሞና ፄሳናው ኣሳ ዮጴ ኪታ፤ ኔኒኔ ኔ ጎሌ ኣሳይ ኡባይ ኣቲያ ቃላ ኢ ኔው ኦዳናዋ› ጌዳዋ ቆርኔሊዮሲ ዎቲ ሲሴዴንቶ፥ ኑሲ ኦዴዳ።

¹⁵«ታኒ ሃሳያናው ዶሚያዋን ጌሻ ኣያናይ ኮይሮ ኑ ቦላ ዎꬌዳዋዳን፥ ኡንቱንቱ ቦላካ ዎꬊ ኣጌዳ።

¹⁶ጎዳይ፥ ‹ዮሃኒሲ ሃꬃን ፃማቄዳ፤ ሺን ሂንቴንቱ ጌሻ ኣያናን ፃማቄታኒታ› ያጌዳ ቃላ ታኒ ሃሳያዲ።

¹⁷ፆሳይ ኑሲ ጎዳ ዬሱሲ ኪሪስቶሳ ኣማኔዳዋንቱሲ ኢሜዳ ኢሞታ ማላ ኣዪሁዳ ጊዴናዋንቶካ ቃሲ ኢሞፔ፥ ሲሚ ፆሳ ዲጋናው ታኒ ኦኔ?» ያጌዳ።