24ዎንቴꬃ ጋላሲ፥ ቂሳሪያ ጋኬዲኖ፤ ቆርኔሊዮሲ ባሬ ዳባቱዋኔ ባሬ ላጌꬃቱዋ ኢቲፔ ፄሲ ሺሺዴ፥ ጴፂሮሳ ናጌ።
25ጴፂሮሲ ጌላና ሃኒሺን፥ ቆርኔሊዮሲ ኣናና ጋኬቲዴ፥ ኣ ሲንꬃን ኩንዲዴ፥ ኣው ጎዪኔዳ።
26ሺን ጴፂሮሲ፥ «ዴንዳ! ታኒካ ታ ሁጴው ኣሳ» ያጊዴ ኣ ዴንꬄዳ።
27ጴፂሮሲ ቆርኔሊዮሳና ሃሳዪዴ፥ ሶይ ጌሌዳ፤ ኢ ጌሊያ ዎዴ ጮራ ኣሳይ ሺቄዳዋ ዴሚዴ፥
28ኣሳ፥ «ኣዪሁዳ ኣሳይ ሃራ ዛሪያና ኢቲፔቴꬃን ዴዓናው፥ ዎይ ጋኬታናው ዎጋ ጊዴናዋ ሂንቴ ሁጴው ኤሪታ፤ ሺን ታኒ ኦናኔ ቱና ዎይ ሼኔዪያባ ጌና ማላ፥ ፆሳይ ታና ቤሴዳ።
29ሄዋ ዲራው፥ ሂንቴ ታው ኪቲና፥ ፓሉማይ ባይናን ያዲ። ሃዒ፥ ‹ታና ኣዪሲ ኣሂሴዲቴ?› ያጋዴ ሂንቴንታ ኦቻይ» ያጌዳ።
30ቆርኔሊዮሲ ሃዋዳን ያጌዳ፤ «ታኒ ሃቼ ኦይዱ ጋላሳፔ ካሴ ሃ ሳቲያን ኡዱፑ ሳቲያ ዎሳ ታ ሶዪን ፆሳ ዎሲሺን፥ ጶልቂያ ማዩዋ ማዬዳ ኣሳይ ታ ሲንꬃን ኤቂዴ፥
31ታና፥ ‹ቆርኔሊዮሳ፥ ፆሳይ ኔ ዎሳ ሲሴዳ፤ ኔኒ ሂዬሳ ማዲያዋካ ሃሳዬዳ።