ያይቆኦቤ ኪኢቶ'' 3

1

2

3

4

5

¹ታ ዒሾንሦ! ታ ሚሾንሦ! ኑኡኒ ዔርዛ ዓሶ ማዔ ዓሳ ዑሣ ዓኣዼ ሜቶ ዔካንዳያ ማዔሢ ዒንሢ ዔራኔ፤ ዬያሮ ዒንሢዳፓ ሚርጌሢ ዔርዛ ዓሶ ማዖፓ።

²ዓይጎሮ ጌዔቶ ኑኡኒ ቢያሢ ሚርጌና ዻቢንታኔ፤ ፔ ጌስታ ጌኤዞና ዻቢንቱዋ ዓሢ ዬይ ፔና ካፓኒ ዳንዳዓ ጎኔ ዓሲኬ።

³ፓራሢ ኑም ዓይሢንታንዳጉዲ ዻንጎይዳ ኑኡኒ ቢፃላ ጌልዛኔ፤ ዬያይዲ ኑ ኮዔ ቤሲ ፓራሢ ዔኪ ዓኣዻኔ።

⁴ሃሣ ዋኣፆ ካኣሚላ ዎዚ ዼኤፒ ማዔያ ሃሣ ዼኤፒ ዢባሬና ሂዒንቲ ዓኣዻያ ማዔቶዋ፥ ዋኣፆ ካኣሚሎ ዒሻ ዓሢ ዓልዔቱዋ ባኣዚ''ና ዒዚ ኮዔ ቤሲ ዔኪ ዓኣዻኔ።

⁵ዬያጉዲ ዒንዲርሲ ዑፆይዳፓ ዻካ''ታዖ ሚርጌ ዼኤፒ ባኣዚ''ና ዖቶርቃኔ፤ ፑኡፒ ካይዚ ሚቺንታሢ ዻካ'' ታሚናኬ።

⁶ዬኖ ጎይፆ ዒንዲርሲያ ታሚኬ፤ ዒንዲርሲ ኑ ዑፆ ባኣኮ''ይዳ ጴዻ ፑርታ ዓጪኬ፤ ኑኡኮ ዑፃ ዓኣ ዓሽኮዋ ቢያ ዒኢሳ''ኔ፤ ናንጎ ቢያይዳ ኑኡኮ ዓኣ ጳዦና ዑፆና ቢያ ታሚዳ ሚቻኔ፤ ፔኤሮዋ ባይቁዋ ጋኣናኣሜ ታሞይዳ ሚቺንታንዳኔ።

⁷ሳዖይዳ ዓኣ ካፖንታ ቦዖ ዻኮ''ንታ ዼኤፖንታ ሃሣ ባዞ''ይዳ ዓኣ ማዢንታ ቢያ ዓሲና ዓርቂ ቆሊንታኒ ዳንዳዓኔ፤ ዓሲያ ዔያቶ ቆላኔ።

⁸ጋዓንቴ ዒንዲርሲ ዓርቂ ቆላኒ ዳንዳዓ ዓሲ ፔቴ''ታዖ ባኣሴ፤ ዒዞ ጊዳ'' ዓሲ ዎዻ ባኣዚ'' ኩሜያ፥ ሃሣ ሃውሺሢያ ባኣ ፑርታ ባኣዚ''ኬ።

⁹ዒዞ ዒንዲርዜሎና ኑ ጎዳሢና ኑ ዓዳሢያ ኑ ዓንጃኔ፤ ሃሣ ዒዞና ፆኦሲ ማሎና ማዢንቴ ዓሶዋ ኑ ጋዳንቃኔ።

¹⁰ፔቴ'' ዻንጋይዳፓ ዓንጆና ጋዳማና ኬስካኔ፤ ታ ዒሾንሦ! ታ ሚሾንሦ! ዬይ ያዺ ማዓኒ ኮይሱዋሴ።

¹¹ፔቴ'' ዋኣሢ ዓልቃ ቤስካፓ ኮሺ ዋኣሢና ፑርታ ዋኣሢና ዓልቃኒ ዳንዳዓ?

¹²ታ ዒሾንሦ! ታ ሚሾንሦ! ቤሌሴ ሚፃ ዛይቶ ሪሚቶ ዓኣፖ ዓኣፓኒ ዳንዳዓ? ጊንሣ ሃሣ ዎይኔ ቤሌሴ ዓኣፖ ዓኣፓኒ ዳንዳዓ? ዬያጉዲ ፑርታ ዋኣሢ ዓልቃ ቤስካፓ ኮሺ ዋኣሢ ጴዻኒ ዳንዳዑዋሴ።

¹³ዒንሢ ባኣኮ''ይዳ ዔራ ማዔያና ጶቂሣያ ማዔ ዓሲ ዖናዳይ? ፔኤኮ ማዾ'' ዔራቶና ማዔ ኮሺ ናንጊና ፔጋሲ ዻዎንጎ።

¹⁴ጋዓንቴ ፑርታ ቂኢሩሞና ፔና ናሽኪሢና ዒንሢኮ ዒኖ ጊዳ'' ዓኣቶ ዖቶርቂፖቴ፤ ጎኔ ባኣዚ''ያ «ዔሩዋሴ» ጌይፖቴ።

¹⁵ዓይጎሮ ጌዔቶ ዬኖጉዴ ዔራታ'' ጴዻሢ ዓጮ''ይዳፓ፥ ዓሲዳፓ ሃሣ ፃላሄይዳፓ ማዓንዳኣፓዓቴም ፆኦሲዳፓቱዋሴ።

¹⁶ቂኢሩሞና ፔና ናሽኪሢና ዓኣ ቤሲዳ፥ ዣሎና ፑርታ ማዾና ቢያ ዓኣያ ማዓኔ።

¹⁷ጋዓንቴ ፆኦሲዳፓ ጴዻ ዔራታ'' ቤርታሳዖ ጌኤሺኬ፤ ሄሊ''ሳዖ ኮሹሞ ናሽካያ፥ ጊቢ'' ዳንዳዓያ፥ ዓይሢንታያ፥ ዓቶም ጋዓያ፥ ቃራ ዓኣፒ ዓኣፓያ፥ ዓሲ ዱማሲሢና ዔራያ ፔና ማሊሲሢና ባኣያኬ።

¹⁸ኮሺ ናሽካ ዓሳ፡ ኮሹሞ ዜርቃዖ ፂሉ''ሞ ዓኣፒ ዴንቃኔ።