1ዬይ ሜልኬፃዲቄ ጎዖሢ ሳላሜ ጌይንታ ካታሞኮ ካኣቲ፤ ሃሣ ዼኤፖ ፆኦዛሢማኣ ማዻ ቄኤሴኬ፤ ዬይ ዓሢ፡ ሚና ዓብራሃሜ ካኣቶ'' ዖሎና ባሺ፥ ማዒ ሙካንቴ ጎይፃ ካኣሚ ዓብራሃሜ ዓንጄኔ።
2ዓብራሃሜያ ዒማ''ና ዔኪ ሙኬ ባካፓ ታጶይዳፓ ፔቴ''ማ ኬሲ'' ኬሲ'' ዒዛም ዒንጌኔ፤ ዒዛ ሱ'ንፆኮ ቡሊ''ፃ ላምዖኬ፤ ፔቴ''ዛ፦ «ፂሉ''ሞ ካኣቲ» ጌይንታዛ፥ ባጋ፦ «ሳላሜ ካታሞ ካኣቲኬ»፥ ዬና ጌይፃ ኮሹሞ ካኣቲ ጌይሢኬ።
3ሜልኬፃዲቄኮ ዓዶና ዒንዶና ሃሣ ዒ ሾይንቴ ዜርሢያ ባኣያኬ፤ ዒዚ «ዬማፓ ዬማ ሄላ''ንዳኣና ናንጌኔ» ጌይንቲ ዔርቱዋያ፥ ናንጎኮ ዒዛኮ ጋፒንሢ ባኣያኬ፤ ዒዚ ፆኦሲ ናዓሢኮ ኮኦኪንሢ ማዒ ናንጊና ቄኤሴ ማዒ ናንጋኔ።
4ሂንዳ ዬይ ዓሢ ዎማዒ ዼኤፒታቴያ ዛጉዋቴ! ዒስራዔኤሌ ማኣሮ ዓሶ ፃጶኮ ዓዳሢ ማዔ፥ ዓብራሃሜታዖ ዒዚ ዖሎና ዲዒ ዔኬ ባኮይዳፓ ታጶይዳፓ ፔቴ''ማ ዒዛም ዒንጌኔ።
5ቄኤሴ ማዓንዳጉዲ ጌሢንቴ ሌዊ ዜርፃ ፔ ዓሶይዳፓ ታጶፓ ፔቴ''ማ ፔቴ''ማ ዔካንዳጉዲ ዔያቶም ዓይሢንቴኔ፤ ዬይ ያዺ ጌይንቴሢ ዓብራሃሜ ዜርፃፓ ዔካንዳጉዲኬ።
6ዬይ ሜልኬፃዲቄ ሌዊ ዜርፃፓ ማዒባኣያታቴያ ዓብራሃሜ ዒንጌ ታጳሢዳፓ ፔቴ''ማ ፔቴ''ማ ዔኬኔ፤ ሃሣ ሃጊ ማዓንዳ ዎዛ'' ዒንጊንቴ ዓብራሃሜያ ዒ ዓንጄኔ።
7ዓንጆ ዓንጂንታሢዳፓ ዓንጃሢ ባሼ ማዒፃ ዔርቴያኬ።
8ቄኤሳ ማዻ ጎይፆና ታጳፓ ፔቴ''ማ ፔቴ''ማ ዔካዞንሢ ሓይቃ ዓሲ ማዔ፥ ሌዊ ዓሶኬ፤ ፔቴ'' ዛሎ''ና ጊንሣ ታጶይዳፓ ፔቴ''ማ ፔቴ''ማ ዔካሢ ባይቁዋያ ማዒ ናንጋያታሢ ማርካዺንቴ ሜልኬፃዲቄኬ።
9ዓካሪ፡ ታጶይዳፓ ፔቴ''ማ ዔካንዳያ ኮይሳሢ ሌዊ ፔ ቶኦኪና ዓብራሃሜ ዛሎ''ና ሜልኬፃዲቄም ዒንጌኔ ጌይሢኬ።
10ዎይቲ ጌዔቴ ሜልኬፃዲቄ ዓብራሃሜና ካኣሜ ዎዶ''ና ሌዊ ሃጊ ፔ ዓዶ፥ ዓብራሃሜይዳፓ ሾይንቲ ባኣያታሢሮኬ።
11ዓካሪ ዒስራዔኤሌ ዴሮ''ም ዎጋ'' ዒንጊንቴሢ ሌዊ ዜርፃ ቄኤሴ ማዒ ማዻ ዳምቦናኬ፤ ዬይ ዜርፃ ቢያ ባኮ ኩንሢ ማዻኒ ዳንዳዔያ ማዔያታቴ ዓኣሮኔ ቄኤሴ ማዒ ማዼ ጎይፆቱዋንቴ ሜልኬፃዲቄጉዲ ዶኦሪንቴ ሜሌ'' ቄኤሴ ሙካኒ ኮይሲንዱዋያታንቴኬ።
12ሃሢ ጋዓንቴ ቄኤሳ ላኣሚንቲ፥ ሜሌ'' ሙካኣና ዎጋ''ኣ ላኣሚንታንዳያ ኮይሳኔ።
13ሓይ ቢያ ዒዛ ዛሎ'' ኬኤዚንቴ ቄኤሳሢ ሜሌ ፃጳፓኬ፤ ዬኖ ፃጳፓ ዖኦኒያ ፆኦሲም ዒንጊ ካኣሽኮ ቤዛ ሙኪ ፆኦሲም ማዼይ ባኣሴ።
14ኑ ጎዳሢ ዪሁዳ ዜርፃፓ ሙኬሢ ዔርቴያኬ፤ ጋዓንቴ ሙሴ ቄኤሶ ዛሎ'' ኬኤዛዖ ዪሁዳ ማኣሮ ዛሎ'' ኬኤዜ ባኣዚ'' ፔቴ''ታዖ ባኣሴ።
15ዬይ ባካ ኮሺ'' ፔጋዺ ዔርታንዳሢ ሜልኬፃዲቄጉዴያ ሜሌ'' ቄኤሴ ሙካዛኬ፤
16ዒዚ ቄኤሴ ማዔሢ ዓሲ ዎጌና ዶኦሪንቲቱዋንቴ ባይቁዋያ ማዔ፥ ናንጊና ናንጋ ዎልቄና ዶኦሪንቲኬ፤
17ዎይቲ ጌዔቴ፦ «ሜልኬፃዲቄ ቄኤሴ ማዒ ዶኦሪንቴሢጉዲ፥ ኔኤኒ ናንጊና ናንጋንዳ ቄኤሴኬ» ጌይንቲ ዒዛ ዛሎ'' ማርካዺንቴኔ።
18ቤርታኣ ዎጋ'' ዶዲ ማዒ ዴዓኒ ዳንዳዒባኣሢሮ ሃሣ ፓሡዋያ ማዔሢሮ ዓቴ''ኔ፤
19ዓይጎሮ ጌዔቴ ሙሴ ዎጋ'' ዓይጎ ባኣዚ''ያ ፒዚሲ ጊኢጊሻኒ ዳንዳዒባኣሢሮኬ፤ ሃሢ ጋዓንቴ ፆኦሲ ባንሢ ዒዛና ኑ ዑካንዳያ ባሼ ኮሺ ማዔ፥ ሃጊ ማዓንዳ ዎዛ ኑም ሙኬኔ።
20ዬይ ቄኤሴ ማዒፃ ዒዛም ፆኦሲ ጫኣቂባኣንቴ ማዔያቱዋሴ፤ ሜሌ'' ቄኤሳ ጋዓንቴ ሃያኮ ቤርታ ቄኤሴ ማዓሢ ጫኣቆና ባኣዚ'' ባኣንቴኬ፤
21ዒዚ ቄኤሴ ማዔሢ ዒዛም ጫኣቆምኬ፤ ዎይቲ ጌዔቴ፦ «ጎዳ ‹ኔኤኒ ናንጊና ናንጋ ቄኤሴኬ› ጌዒ ዒዛም ጫኣቄኔ፤ ዬያ ማሊፆ ዒ ሺርሹዋሴ» ጌይንቲ ዒዛ ዛሎ'' ኬኤዚንቴያኬ።
22ዬያ ጫኣቁሞ ዛሎ''ና ዬሱሴ ቢያፓ ባሼ ማዔ፥ ፆኦሲ ጫኣቁሞኮ ዖኦጪንታኒ ዔቄያ ማዔኔ።
23ፔቴ'' ቄኤሴ ሓይቁዋዖ ማዺ ማዺ ናንጋኒ ዳንዳዒባኣሢሮ ቤርታ ዎንዴ ማዼ ቄኤሶኮ ፓይዳ'' ሚርጌኬ፤
24ዬሱሴ ጋዓንቴ ናንጊና ናንጋያ ማዔሢሮ ቄኤሴ ማዒፃ ዒዛኮ ላኣሚንቱዋያኬ።
25ዬያሮ ዒዛ ባንሢ ሙካ ዓሶ ዛሎ'' ሺኢቃኒ ናንጊና ባይቁዋያ ማዒ ናንጋሢሮ ዒዛ ዛሎ''ና ፆኦሲ ባንሢ ሙካዞንሢ ቢያ ጎኔና ዻቂሻኒ ዒ ዳንዳዓኔ።
26ዓካሪ፤ ኑም ኮይሳያ፥ ፆኦሲም ዱማዼያ፥ ቦሂሳ ባኣዚ'' ባኣያ ማዔያ፥ ጌኤሺ ማዔያ፥ ጎሞ ዓሶፓ ዱማዼያ፥ ጫሪንጮኮ ዑፃ ዼ'ግ ጌዒ ቦንቺንቴያ፤ ያዺ ማዔ፥ ቄኤሴኮ ዑሢ ማዔያኬ ኑም ኮይሳሢ።
27ዒዚ ሜሌ'' ቄኤሶኮ ዑፃ ማዔ ዓሶጉዲ ቤርታዺ ፔ ጎሞ ዛሎ''ሮ፥ ዬካፓ ዴሮ'' ጎሞ ዛሎ''ሮ ቢያ ኬሊ''ና ፆኦሲም ዒንጎ ባኮ ዒንጋኒ ዒዛ ኮይሱዋያኬ፤ ዓይጎሮ ጌዔቴ ዒዚ ፔና ዒንጎ ባኣዚ'' ማሂ ዒንጌ ዎዶ''ና ዬይ ባካ ላሚ ማይ ማዺንቱዋጉዲ፥ ፔቴ''ና ማዺ ዬያ ኩንሤሢሮኬ።
28ሙሴ ዎጋ'' ቄኤሶኮ ዑፃ ማሂ ዶኦራሢ ላቤ''ያ ማዔ ዓሶኬ፤ ዎጎኮ ጊንፃፓ ሙኬ ፆኦሲ ጫኣቁማ ጋዓንቴ ናንጊና ናንጋያ ማዔ፥ ፒዜ ፆኦሲ ናዓሢ ዶኦሬኔ።
