ዔብሬ ዓሶም ዳኪንቴ ኪኢታ 3

1

2

3

4

5

6

7

8

9

10

11

12

13

¹ፆኦሲኮ ዔኤሊ''ፆ ዋይዚ ዔኪ ዒዛም ዱማዼያ ማዔ፥ ታ ዒሾንሦ! ታ ሚሾንሦ! ኑ ጉሙርቃንዳጉዲ ኬኤዞም ፆኦሲፓ ዳኪንቴያ ማዔሢና ኑ ካኣሽካ ካኣዦኮዋ ቄኤሶ ቢያፓ ዑሣ ማዔ፥ ዬሱሴ ዛሎ'' ማሉዋቴ።

²ሙሴ ፆኦሲ ዴሮ'' ዔኪ ዓኣዻዖ ማዼ ማዾ''ና ቢያ ፆኦሲም ጉሙርቂንቴያ ማዔሢጉዲ ዬሱሴ ዒዛ ዶኦሬ፥ ፆኦሲም ጉሙርቂንቴያኬ።

³ማኣሪ ማዣ ዓሢ ማኣሮይዳፓ ባሼ ቦንቺንታሢጉዲ ዬሱሴያ ሙሴይዳፓ ባሼ ቦንቺንታኒ ኮይሳያ ማዒ ጴዼኔ፤

⁴ጎኔኬ፡ ፔቴ'' ፔቴ'' ማኣሮ ማዤ ዓሲ ዓሲ ዓኣኔ፤ ጋዓንቴ ቢያ ባኮ ማዤሢ ፆኦሲኬ።

⁵ሙሴ ሃጊ ኬኤዚንታንዳ ባኮ ዛሎ'' ማርካዺ ማርካዺ ፆኦሲ ዓሶ ዔኪ ዓኣዻዖ ማዻ ማዾ''ና ጉሙርቂንታ ማዻ ዓሲ ማዒ ማዼኔ።

⁶ኪሪስቶሴ ጋዓንቴ ማዻሢ' ፆኦሲ ማኣሮይዳ ጉሙርቂንታ ናይጉዲ ማዒኬ፤ ዬይ ማኣራ ኑናኬ፤ ኑ ዒዛኮ ማኣሮ ማዓንዳሢ፦ ኑ ጉሙርቃ ባኮና ኑ ዖቶርቃ፥ ሃጊ ማዓንዳ ዎዞ'' ዶዲሺ ዓርቄቴኬ።

⁷ዓያኖ ጌኤዣ ጋዓ ጎይፆ፦ «ሓኖ'' ዒንሢ ፆኦሲኮ ዑኡዞ ዋይዛያ ማዔቴ፥

⁸ዓሲ ናንጉዋ ዳውሎ''ይዳ ዒንሢኮ ዓዶንሢ ‹ታ ዎይታቴያ› ጌዒ ማዼ ዎዶ''ና ዔያታ ዋይዞ ዒፄ ጎይፆ ዒንሢኮ ዒኖ'' ዶዲሺ ዋይዞ ዒፃያ ማሂፖቴ።

⁹ዒንሢኮ ዓዶንሢ ‹ዒ ዎይታቴያ› ጌዒ ሚርጌ ባኣዚ'' ማዼኔ፤ ሓሣ ዖይዲታሚ'' ሌዔ ታ ማዼ ባኮዋ ዔያታ ዛጌኔ» ጋዓኔ ፆኦሲ።

¹⁰«ዒማ''ና ታ ዔያቶይዳ ዻጋዺ፥ ‹ዒና'' ዔያቶኮ ቢያ ዎዴ ዻቢንታኔ፤ ታ ጎይፆዋ ዔያታ ዔሪባኣሴ› ጌዔኔ።

¹¹ሃሣ፦ ‹ታኣኒ ዔያቶም ዒንጋንዳኔ ጌዔ፥ ሃውሾ ቤዞ ፔቴ''ታዖ ዔያታ ጌላዓኬ› ጌዒ ዻጋና ታ ጫኣቄኔ» ፆኦሲ ጋዓኔ።

¹²ታ ዒሾንሦ! ታ ሚሾንሦ! ዒንሢዳፓ ዖኦኒያ ናንጊና ባይቁዋ ፆኦዛሢዳፓ ሃኪሳያና ፑርታ፥ ሃሣ ጉሙርቁዋ ዒናና ዓኣያ ማዒ ጴዹዋጉዲ ዒንሢና ዔሩዋቴ።

¹³ዒንሢ ባኣካ''ፓ ዖኦኒያ ጎሜና ጌሺንቴም ዒና'' ዋይዚ ዒፂ ዶዳያ ማዑዋጉዲ፤ «ሓኖ''» ጌይንታሢ ዓኣ ጎይሣ ዓኣንቴ ቢያ ኬሊ'' ዎላ'' ዞርቲ ዎሊ ዶዲሹዋቴ።

¹⁴ቤርታ ኑኡኮ ዓኣ ጉሙርቂፆ ጋፒንፆ ሄላ''ንዳኣና ኑ ዶዲሺ ዓርቃያ ማዔቴ ኪሪስቶሴና ዎላ'' ማዾ ባኮ ኑ ማዻያ ማዓንዳኔ።

¹⁵ዬይያ፦ «ሓኖ'' ዒንሢ ፆኦሲኮ ዑኡዞ ዋይዛያ ማዔቴ፥ ዒንሢኮ ዓዶንሢ ዋይዞ ዒፄ ጎይፆ ዒኖ ዒንሢኮ ዶዲሺ ዋይዚ ዒፃያ ማሂፖቴ» ጌይንቴሢጉዲኬ።

¹⁶ዓካሪ ዬንሢ ዑኡዞ ዋይዚ ዓይሢንቶ ዒፄዞንሢ ዖናንሢዳይ? ሙሴ ጊብፄፓ ዔኪ ኬሴ''፥ ዓሶ ቢያሢቱዋዓዳ?

¹⁷ዖይዲታሚ ሌዔ ጉቤ ፆኦሲ ዻጋሲ ናንጌ ዓሳ ዋኣቶዳይ? ዬያታ ጎሞ ማዼም ሌዛ ዓሲ ናንጉዋ ዳውሎ''ይዳ ኬኤሪንቲ ዓቴዞንሢቱዋዓዳ?

¹⁸ሃሣ «ታኣኮ ሃውሾ ቤዞ ጌላዓ» ጌዒ ጫኣቆናዞንሢ ዎንሢዳይ? ዬንሢ ዓይሢንቶ ዒፄዞንሢቱዋዓዳ?

¹⁹ዓካሪ ጌላኒ ዔያታ ዳንዳዒባኣሢ ጉሙርቁዋዖ ዓቲፆና ማዔሢ ሃሢ ኑ ዛጋኔ።