ሮሜ ዓጮ'' ዓሶም 15:21-27

²¹ዬያ ታ ማዻሢ፦ «ዒዛ ዛሎ'' ኬኤዚንቲ ቤቂባኣ ዓሳ፥ ዒዛ ዛጋንዳኔ፤ ዒዛ ዛሎ'' ዋይዚ ቤቂባኣ ዓሳኣ ጶቂሢ ዔራንዳኔ» ጌይንቲ ፃኣፒንቴ ጎይፆናኬ።

²²ሃኖ'' ሄላ''ንዳኣና ዒንሢ ኮይላ'' ታ ሙካኒ ዳንዳዒባኣሢ ታ ዒንሢም ኬኤዜ ጎይፆና ጊኢጊባኣሢሮኬ።

²³ሓሢ ታ ሃካ ዓኣ ማዾ'' ኩርሴሢሮ ሃሣ ሚርጌ ሌዔፓ ዓርቂ ዒንሢ ዛጋኒ ሚርጌና ታ ኮዓሢሮ፥

²⁴ዒስፔኔ ዓጮ'' ታ ዴንዳዖ ዒንሢያ ዒኢና ዛጊ ዓኣዻኒ ማሌኔ። ዒኢካ ዻካ'' ዒንሢና ዎላ'' ታ ዴዔስካፓ ጎይፆ ታ ዓኣዻንዳጉዲ ታኣም ኮይሳ ማኣዶ ዒንሢ ማኣዳ''ንዳሢ ታ ጉሙርቃኔ።

²⁵ሓሢ ጋዓንቴ ኪሪስቶሴ ጉሙርቃ ዓሶም ዒንጊንታ፥ ማኣዶ ሚኢሼ ዔኪ ዬሩሳላሜ ታ ዴንዳኔ፤

²⁶ዓይጎሮ ጌዔቴ ሜቄዶኒያና ዓካይያ ጌይንታ ዓጮ''ይዳ ዓኣ ኪሪስቶሴ ጉሙርቃ ዓሳ ዬሩሳላሜይዳ ዓኣ ኪሪስቶሴ ጉሙርቃ ዓሶ ባኣካ'' ዓኣ ማንቆ ዓሶም ሚኢሼ ማኣዶ ዳካኒ ማሌሢሮኬ።

²⁷ሓያ ማኣዳሢ ዔያታ ፔ ማሊሢና ዒንጌሢ' ዔያቶ ኮይሳያ ማዔምኬ፤ ዎይቲ ጌዔቴ ዓይሁዴ ማዒባኣ ዓሳ ዓይሁዴ ዓሶና ዎላ'' ዓያኖ ዓንጆ ዴንቃያ ማዔሢሮ ዓይሁዴ ማዒባኣ ዓሳ ሳዖ ዓንጆ ዒንጊ ዓይሁዴ ዓሶ ማኣዳ''ኒ ኮይሳሢሮኬ።