ማርቆሴ 6:3-21

³ጊንሣ ሓሣ ዔያታ ጋዓዖ፦ «ማዔቶዋ ሃይ ሚፆ ዓርሳ ሓኣማሢቱዓዳ? ዒንዴላ ዒዛኮ ማይራሞ ሓሣ ጌርሲንሢ ዒዛኮ ያይቆኦቤ፥ ዮሳ፥ ዪሁዳ፥ ሲሞኦኔንታ ጌሮንሢያ ዒዛኮ ሓይካ ኑኡና ዓኣዞንሢቱዓዳ?» ጌዒ ዒዚ ኬኤዛ ባኮ ዔኩዋዖ ሃሼ''ኔ።

⁴ዬሱሴ ዔያቶም ኬኤዛዖ፦ «ፆኦሲ ማሊሢ ኬኤዛይ ሜሌ'' ዓሲ ኮራ ቦቦንቺንታኔ፤ ፔኤኮ ዓጮ''ይዳ፥ ፔኤኮ ዒጊኖ ባኣኮ''ና ፔኤኮ ማኣሮ ዓሶና ባኣካ'' ቦቦሂንታኔ» ጌዒ ማሄኔ።

⁵ዒዚ ዒኢካ ዻካ'' ሓርጊንቴ ዓሲኮ ሌሊ ዑፃ ኩጮ ጌሢ ፓሤያፓዓቴም ሜሌ'' ዓኪ ዲቃሣ ባኣዚ'' ማዺኒ ዳንዳዒባኣሴ።

⁶ዓሶኮ ጉሙርቂሢ ባኣሢሮ ዒዚ ዲቃቴኔ፤ ዬካፓ ዬሱሴ ጉርዶ ባኣኮ'' ሓንቲ ሓንቲ ዔርዜኔ።

⁷ዒዚ ታጶ ላምዖ ዒዛኮ ጊንፆ ሓንታ ናኣቶ'' ፔ ባንሢ ዔኤሊ'' ላምዖ ላምዖ ማሂ ዔያቶ ዳኬኔ፤ ዒዚ ዔያቶም ፑርቶ ዓያኖ ዑፆይዳ ዎልቄና ዓኣ ቢታንቶ ዒንጌኔ።

⁸ዬሱሴ ዔያቶም ኪኢታዖ፦ «ዒንሢ ጎይፆኮ ኮኦሎ''ፓ ዓታዛ ጋላ፥ ጋላ ዓርቆ ሉካ''፥ ሚኢሼታቶዋ ቡራሻይዳ ዓጊ ዔኪፖቴ» ጌዒ ዓይሤኔ።

⁹ዒ ኬኤዛዖ፦ «ቶካ'' ዒንሢኮ ዱርሲ ዓኣሣንዳፓዓቴም ቃሲ'' ላምዖ ማኣዖ ማኣዒፖቴ፤

¹⁰ዓንካኣ ማዖም ዒንሢ ዓሲ ማኣሪ ጌሌቶ ዒኢካፓ ኬስካንዳያ ሄላ''ንዳኣና ዒማካ ዴዑዋቴ፤

¹¹ዎካ ማዔቶዋ ዓሳ ዒንሢሲ ዔኩዋያና ዋይዙዋ ቤዛ ቢያ ዒንሢኮ ቶኮ'' ሲላሎ ፒፂ''ጋፓ ኬስኪ ዓኣዹዋቴ። ዬይ፦ ዔያቶም ‹ዒንሢና ዔሩዋቴ› ጋዓ ማርካ ማዓንዳኔ» ጌዔኔ።

¹²ዬያሮ ዔያታ ኬስኪ ዓሳ ፔኤኮ ጎሞ ቡኡፃንዳጉዲ ኬኤዜኔ።

¹³ዔያታ ሚርጌ ፑርታ ዓያናኣ ኬሴ''ኔ፤ ሓሣ ሚርጌ ሓርጊንቴ ዓሲ ዛይቴ ቲሺና ቲሽኪ ዓውሴኔ።

¹⁴ዬሱሴኮ ማዻ'' ቢያ ቤዞይዳ ዋይዚንቴሢሮ ካኣቲ ሄሮዲሴያ ዒዛ ዛሎ'' ዋይዜኔ። ፔቴ'' ፔቴ'' ዓሳ፦ «ማስካ ዮሓኒሴ ሃይባ''ፓ ዔቄኔ፤ ዬያሮ ሃይ ጉቤ ዋይዚንታ ባካ ዒዛና ማዺንታያኬ» ጋዓኔ።

¹⁵ዓሳ ዛላ''፦ «ዒዚ ዔኤሊያሴኬ» ጋዓኔ፤ ዛላ'' ሃሣ፦ «ሚናኣ ፆኦሲ ማሊፆ ኬኤዛዞንሢዳፓ ፔቴ''ያኬ» ጋዓኔ።

¹⁶ዬያ ካኣቲ ሄሮዲሴ ዋይዛዖ፦ «ዬይ ታኣኒ ቶኦኮ'' ቲቂሴ ማስካ ዮሓኒሴታዖ ሓይባ''ፓ ዔቄያዋይ ሜሌ''ቱዋዋይ!» ጌዔኔ።

¹⁷ሄሮዲሴ ፔኤኮ ጌርሲ ፒልጶሴ ማቾ ሄሮዲያዳ ዔኬም፥

¹⁸ዬያ ዛሎ''ና ማስካ ዮሓኒሴ፦ «ጌርሲ ማቾ ዔኮና ኔኤኒ ዻቤኔ» ጌዒ ጎሬሢሮ ካኣቲ ዒዛ ዓይሢ ቱኡሴኔ።

¹⁹ዬያሮ ሄሮዲያዳ ዮሓኒሴ ኮሚ ዎዺሳኒ ኮዔቶዋ ዒዛ ዳንዳዒባኣሴ።

²⁰ዓይጎሮ ጌዔቶ ካኣቲ ሄሮዲሴ ማስካ ዮሓኒሴ ጌኤሺ ሓሣ ፂሎ'' ዓሲ ማዔሢ ዔሪ ዒጊጪ ካፓሢሮኬ። ማስካ ዮሓኒሴ ኬኤዛ ዎዶ''ና ካኣቲ ዲቃታቶዋ ዎዛና ዒዛሲ ዋይዛኔ።

²¹ማዓዛ ካኣቲ ሄሮዲሴ ፔኤኮ ሾይንቴ ኬሎ'' ቦንቻያ ማዔሢሮ ዓጮ'' ዎይሣ ዓሶና ፖኦሊሶኮ ሱኡጎና ፔቴ'' ፔቴ'' ጌሊላ ዓጮ''ይዳ ዔርቴ ዓሶናም ዼኤፒ ሙኡዚ'' ጊኢጊሼኔ፤ ዬና ሄሮዲያዳም ዒዞ ማሊፆና ካኣማያ ማዔኔ።