ሃዋሬታ ኦሶ 6:3-8

³ሄሳ ጊሽ ኑ ኢሻቶ! ኢንቴ ጊዶፌ ኤራንቻታ፥ ፂሎ ኣያናን ኩሚዳይታኔ ሎዖ ማርካቴꬅ ዲዛ ላፑን ኣሳታ ዶሪቴ፤ ሃይሳ ኣላፌቴꬅ ኑ ኢስታስ ኢማና።

⁴ኑኒ ጊዲኮ ዎሳኒኔ ቃላ ዮቶን ሚናና” ጊዳ።

⁵ኢስቲ ጊዳ ዮዖይ ሲዪዳይታ ኡፋይሲዴስ፤ ኣማኖኒኔ ፂሎ ኣያናን ኩሚዳይቲ ኢስቲፋኖሴ፥ ፒሊጶሳ፥ ጲሮስቆሮሳ፥ ኒቃሮና፥ ፂሞና፥ ጳርሜናኔ ዩሁዳቴꬃን ጌሊዳ ኣንፆኪያ ዴሬ ኣስ ኒቆሎሳ ዶሪዳ።

⁶ሄይታ ኤሂዲ ሃዋሬታ ሲንꬅ ሺሺዳ። ኢስቲካ ባ ኩሼ ኢስታ ቦላ ዎꬂዲ ኢስታስ ዎሲዳ።

⁷ፆሳ ቃላይ ኣኪ ኣኪ ቢዴስ። ኣማኒዛይታ ቆዳይ ዬሩሳላሜን ዳሪ ዳሪ ቢዴስ። ቄሴታፔ ዳሮቲ ኣማኒዳ።

⁸ሄ ዎዴ ኢስቲፋኖሲ ፆሳ ኢሞቴꬃኒኔ ዎልቃን ኩሚዲ ዴሬዛ ጊዶን ጊታ ማላሊሲዛ ማላታታ ኦꬂዴስ።