35ጊዶ ኣቲን ፆሳስ ባቢዛይታኔ ፂሎ ኦꬂዛይታ ዉርሲ ኦና ባጋፌ ጊዲንካ ኢዚ ኤኬስ።
36ፆሲ ኡባስ ጎዳ ጊዲዳ ዬሱስ ኪርስቶሳ ባጋራ ኢስራዔሌ ኣሳስ ኪቲዳ ሳሮቴꬃ ሚሺራቾ ኪታይ ሃይሳ።
37ዮሃኒሲ ፂንቃታ ጊሽ ሳባኪዳፔ ጉዬን ጋሊላፔ ዶሚዲ ኩሜꬃ ዩሁዳን ሃኒዳይሳ ኢንቴ ኤሬታ።
38ፆሲ ናዚሬቴ ዬሱሳ ፂሎ ኣያናኒኔ ዎልቃን ቲዪዴስ። ኢዚካ ፆሲ ኢዛራ ዲዛ ጊሽ ባ ጋኪዳሶን ኡባን ሎዖ ኦꬂሼ ፃላዔ ጎዳቴꬃ ጊዶን ዲዛይታ ዉርሲ ፓꬂዴስ።
39“ኢዚ ኣይሁዳታ ዴሬኒኔ ዬሩሳላሜ ካታማን ኦꬂዳይሳ ኡባስ ኑ ማርካ። ቃሴካ ኣሳይ ኢዛ ሚꬃ ቦላ ካቂ ዎꬊዴስ።
40ጊዶ ኣቲን ፆሲ ኢዛ ሄꬓንꬆ ጋላስ ሄይቆፔ ዴንꬂዴሲኔ ኣሲ ኢዛ ቤያና ማላ ኦꬂዴስ።
41ኢዚ ቆንጪዳይ ኣሳ ኡባስ ጊዶንታ ሃይቆፔ ዴንዲን ኢዛራ ሚዳይታሲኔ ኢዛራ ኡዪዳይታስ ፆሲ ኮይሮ ዶሪዳ ኑስ ኢዛ ማርካታሳ።
42ኢዚ ኑ ዴሬዛስ ሳባካና ማላኔ ሃይቂዳይታ ቦላኔ ፓፃ ዲዛይታ ቦላ ፒርዳናስ ፆሲ ሹሚዳይ ኢዛ ጊዲዳይሳ ኑ ማርካታና ማላ ኑና ኣዛዚዴስ።
43ኢዛ ኣማኒዳዴይ ዉሪ ኢዛ ሱንꬃን ናጋራ ማሬቲዲ ጌያናይሳ ናቤቲ ኢዛስ ማርካቴቴስ” ጊ ዮቶ ዶሚዴስ።
44ጴፅሮሲ ሄሳ ሃሳዪሺን ቃላ ሲዪዛይታ ኡባ ቦላ ፂሎ ኣያናይ ዎꬊዴስ።
45ቃፃሬቲዳይታ ባጋፌ ጴፅሮሳራ ዪዳ ኣማኒዛይቲ ፂሎ ኣያና ኢሞቴꬂ ኣይዛቤታ ቦላ ዎꬊሺን ቤዪዲ ማላሌቲዳ።
ሃዋሬታ ኦሶ 10
ሃዋሬታ ኦሶ 10:35-45