ལཱུཀཿ 6:31-39

³¹པརེབྷྱཿ སྭཱན྄ པྲཏི ཡཐཱཙརཎམ྄ ཨཔེཀྵདྷྭེ པརཱན྄ པྲཏི ཡཱུཡམཔི ཏཐཱཙརཏ།

³²ཡེ ཛནཱ ཡུཥྨཱསུ པྲཱིཡནྟེ ཀེཝལཾ ཏེཥུ པྲཱིཡམཱཎེཥུ ཡུཥྨཱཀཾ ཀིཾ ཕལཾ? པཱཔིལོཀཱ ཨཔི སྭེཥུ པྲཱིཡམཱཎེཥུ པྲཱིཡནྟེ།

³³ཡདི ཧིཏཀཱརིཎ ཨེཝ ཧིཏཾ ཀུརུཐ ཏརྷི ཡུཥྨཱཀཾ ཀིཾ ཕལཾ? པཱཔིལོཀཱ ཨཔི ཏཐཱ ཀུཪྻྭནྟི།

³⁴ཡེབྷྱ ཨྲྀཎཔརིཤོདྷསྱ པྲཱཔྟིཔྲཏྱཱཤཱསྟེ ཀེཝལཾ ཏེཥུ ཨྲྀཎེ སམརྤིཏེ ཡུཥྨཱཀཾ ཀིཾ ཕལཾ? པུནཿ པྲཱཔྟྱཱཤཡཱ པཱཔཱིལོཀཱ ཨཔི པཱཔིཛནེཥུ ཨྲྀཎམ྄ ཨརྤཡནྟི།

³⁵ཨཏོ ཡཱུཡཾ རིཔུཥྭཔི པྲཱིཡདྷྭཾ, པརཧིཏཾ ཀུརུཏ ཙ; པུནཿ པྲཱཔྟྱཱཤཱཾ ཏྱཀྟྭཱ ཨྲྀཎམརྤཡཏ, ཏཐཱ ཀྲྀཏེ ཡུཥྨཱཀཾ མཧཱཕལཾ བྷཝིཥྱཏི, ཡཱུཡཉྩ སཪྻྭཔྲདྷཱནསྱ སནྟཱནཱ ཨིཏི ཁྱཱཏིཾ པྲཱཔྶྱཐ, ཡཏོ ཡུཥྨཱཀཾ པིཏཱ ཀྲྀཏགྷྣཱནཱཾ དུཪྻྚཏྟཱནཱཉྩ ཧིཏམཱཙརཏི།

³⁶ཨཏ ཨེཝ ས ཡཐཱ དཡཱལུ ཪྻཱུཡམཔི ཏཱདྲྀཤཱ དཡཱལཝོ བྷཝཏ།

³⁷ཨཔརཉྩ པརཱན྄ དོཥིཎོ མཱ ཀུརུཏ ཏསྨཱད྄ ཡཱུཡཾ དོཥཱིཀྲྀཏཱ ན བྷཝིཥྱཐ; ཨདཎྜྱཱན྄ མཱ དཎྜཡཏ ཏསྨཱད྄ ཡཱུཡམཔི དཎྜཾ ན པྲཱཔྶྱཐ; པརེཥཱཾ དོཥཱན྄ ཀྵམདྷྭཾ ཏསྨཱད྄ ཡུཥྨཱཀམཔི དོཥཱཿ ཀྵམིཥྱནྟེ།

³⁸དཱནཱནིདཏྟ ཏསྨཱད྄ ཡཱུཡཾ དཱནཱནི པྲཱཔྶྱཐ, ཝརཉྩ ལོཀཱཿ པརིམཱཎཔཱཏྲཾ པྲདལཡྻ སཉྩཱལྱ པྲོཉྩཱལྱ པརིཔཱུཪྻྱ ཡུཥྨཱཀཾ ཀྲོཌེཥུ སམརྤཡིཥྱནྟི; ཡཱུཡཾ ཡེན པརིམཱཎེན པརིམཱཐ ཏེནཻཝ པརིམཱཎེན ཡུཥྨཏྐྲྀཏེ པརིམཱསྱཏེ།

³⁹ཨཐ ས ཏེབྷྱོ དྲྀཥྚཱནྟཀཐཱམཀཐཡཏ྄, ཨནྡྷོ ཛནཿ ཀིམནྡྷཾ པནྠཱནཾ དརྴཡིཏུཾ ཤཀྣོཏི? ཏསྨཱད྄ ཨུབྷཱཝཔི ཀིཾ གརྟྟེ ན པཏིཥྱཏཿ?