ཡོཧནཿ 21:6-16

⁶ཏདཱ སོ྅ཝདཏ྄ ནཽཀཱཡཱ དཀྵིཎཔཱརྴྭེ ཛཱལཾ ནིཀྵིཔཏ ཏཏོ ལཔྶྱདྷྭེ, ཏསྨཱཏ྄ ཏཻ རྣིཀྵིཔྟེ ཛཱལེ མཏྶྱཱ ཨེཏཱཝནྟོ྅པཏན྄ ཡེན ཏེ ཛཱལམཱཀྲྀཥྱ ནོཏྟོལཡིཏུཾ ཤཀྟཱཿ།

⁷ཏསྨཱད྄ ཡཱིཤོཿ པྲིཡཏམཤིཥྱཿ པིཏརཱཡཱཀཐཡཏ྄ ཨེཥ པྲབྷུ རྦྷཝེཏ྄, ཨེཥ པྲབྷུརིཏི ཝཱཙཾ ཤྲུཏྭཻཝ ཤིམོན྄ ནགྣཏཱཧེཏོ རྨཏྶྱདྷཱརིཎ ཨུཏྟརཱིཡཝསྟྲཾ པརིདྷཱཡ ཧྲདཾ པྲཏྱུདལམྥཡཏ྄།

⁸ཨཔརེ ཤིཥྱཱ མཏྶྱཻཿ སཱརྡྡྷཾ ཛཱལམ྄ ཨཱཀརྵནྟཿ ཀྵུདྲནཽཀཱཾ ཝཱཧཡིཏྭཱ ཀཱུལམཱནཡན྄ ཏེ ཀཱུལཱད྄ ཨཏིདཱུརེ ནཱསན྄ དྭིཤཏཧསྟེབྷྱོ དཱུར ཨཱསན྄ ཨིཏྱནུམཱིཡཏེ།

⁹ཏཱིརཾ པྲཱཔྟཻསྟཻསྟཏྲ པྲཛྭལིཏཱགྣིསྟདུཔརི མཏྶྱཱཿ པཱུཔཱཤྩ དྲྀཥྚཱཿ།

¹⁰ཏཏོ ཡཱིཤུརཀཐཡད྄ ཡཱན྄ མཏྶྱཱན྄ ཨདྷརཏ ཏེཥཱཾ ཀཏིཔཡཱན྄ ཨཱནཡཏ།

¹¹ཨཏཿ ཤིམོནྤིཏརཿ པརཱཝྲྀཏྱ གཏྭཱ བྲྀཧདྦྷིསྟྲིཔཉྩཱཤདདྷིཀཤཏམཏྶྱཻཿ པརིཔཱུརྞཾ ཏཛྫཱལམ྄ ཨཱཀྲྀཥྱོདཏོལཡཏ྄ ཀིནྟྭེཏཱཝདྦྷི རྨཏྶྱཻརཔི ཛཱལཾ ནཱཚིདྱཏ།

¹²ཨནནྟརཾ ཡཱིཤུསྟཱན྄ ཨཝཱདཱིཏ྄ ཡཱུཡམཱགཏྱ བྷུཾགྡྷྭཾ; ཏདཱ སཨེཝ པྲབྷུརིཏི ཛྙཱཏཏྭཱཏ྄ ཏྭཾ ཀཿ? ཨིཏི པྲཥྚུཾ ཤིཥྱཱཎཱཾ ཀསྱཱཔི པྲགལྦྷཏཱ ནཱབྷཝཏ྄།

¹³ཏཏོ ཡཱིཤུརཱགཏྱ པཱུཔཱན྄ མཏྶྱཱཾཤྩ གྲྀཧཱིཏྭཱ ཏེབྷྱཿ པཪྻྱཝེཥཡཏ྄།

¹⁴ཨིཏྠཾ ཤྨཤཱནཱདུཏྠཱནཱཏ྄ པརཾ ཡཱིཤུཿ ཤིཥྱེབྷྱསྟྲྀཏཱིཡཝཱརཾ དརྴནཾ དཏྟཝཱན྄།

¹⁵བྷོཛནེ སམཱཔྟེ སཏི ཡཱིཤུཿ ཤིམོནྤིཏརཾ པྲྀཥྚཝཱན྄, ཧེ ཡཱུནསཿ པུཏྲ ཤིམོན྄ ཏྭཾ ཀིམ྄ ཨེཏེབྷྱོདྷིཀཾ མཡི པྲཱིཡསེ? ཏཏཿ ས ཨུདིཏཝཱན྄ སཏྱཾ པྲབྷོ ཏྭཡི པྲཱིཡེ྅ཧཾ ཏད྄ བྷཝཱན྄ ཛཱནཱཏི; ཏདཱ ཡཱིཤུརཀཐཡཏ྄ ཏརྷི མམ མེཥཤཱཝཀགཎཾ པཱལཡ།

¹⁶ཏཏཿ ས དྭིཏཱིཡཝཱརཾ པྲྀཥྚཝཱན྄ ཧེ ཡཱུནསཿ པུཏྲ ཤིམོན྄ ཏྭཾ ཀིཾ མཡི པྲཱིཡསེ? ཏཏཿ ས ཨུཀྟཝཱན྄ སཏྱཾ པྲབྷོ ཏྭཡི པྲཱིཡེ྅ཧཾ ཏད྄ བྷཝཱན྄ ཛཱནཱཏི; ཏདཱ ཡཱིཤུརཀཐཡཏ ཏརྷི མམ མེཥགཎཾ པཱལཡ།