པྲེརིཏཱཿ 21:4-14

⁴ཏཏྲ ཤིཥྱགཎསྱ སཱཀྵཱཏྐརཎཱཡ ཝཡཾ ཏཏྲ སཔྟདིནཱནི སྠིཏཝནྟཿ པཤྩཱཏྟེ པཝིཏྲེཎཱཏྨནཱ པཽལཾ ཝྱཱཧརན྄ ཏྭཾ ཡིརཱུཤཱལམྣགརཾ མཱ གམཿ།

⁵ཏཏསྟེཥུ སཔྟསུ དིནེཥུ ཡཱཔིཏེཥུ སཏྶུ ཝཡཾ ཏསྨཱཏ྄ སྠཱནཱཏ྄ ནིཛཝརྟྨནཱ གཏཝནྟཿ, ཏསྨཱཏ྄ ཏེ སབཱལཝྲྀདྡྷཝནིཏཱ ཨསྨཱབྷིཿ སཧ ནགརསྱ པརིསརཔཪྻྱནྟམ྄ ཨཱགཏཱཿ པཤྩཱདྭཡཾ ཛལདྷིཏཊེ ཛཱནུཔཱཏཾ པྲཱརྠཡཱམཧི།

⁶ཏཏཿ པརསྤརཾ ཝིསྲྀཥྚཱཿ སནྟོ ཝཡཾ པོཏཾ གཏཱསྟེ ཏུ སྭསྭགྲྀཧཾ པྲཏྱཱགཏཝནྟཿ།

⁷ཝཡཾ སོརནགརཱཏ྄ ནཱཝཱ པྲསྠཱཡ ཏལིམཱཡིནགརམ྄ ཨུཔཱཏིཥྛཱམ ཏཏྲཱསྨཱཀཾ སམུདྲཱིཡམཱརྒསྱཱནྟོ྅བྷཝཏ྄ ཏཏྲ བྷྲཱཏྲྀགཎཾ ནམསྐྲྀཏྱ དིནམེཀཾ ཏཻཿ སཱརྡྡྷམ྄ ཨུཥཏཝནྟཿ།

⁸པརེ ྅ཧནི པཽལསྟསྱ སངྒིནོ ཝཡཉྩ པྲཏིཥྛམཱནཱཿ ཀཻསརིཡཱནགརམ྄ ཨཱགཏྱ སུསཾཝཱདཔྲཙཱརཀཱནཱཾ སཔྟཛནཱནཱཾ ཕིལིཔནཱམྣ ཨེཀསྱ གྲྀཧཾ པྲཝིཤྱཱཝཏིཥྛཱམ།

⁹ཏསྱ ཙཏསྲོ དུཧིཏརོ྅ནཱུཌྷཱ བྷཝིཥྱདྭཱདིནྱ ཨཱསན྄།

¹⁰ཏཏྲཱསྨཱསུ བཧུདིནཱནི པྲོཥིཏེཥུ ཡིཧཱུདཱིཡདེཤཱད྄ ཨཱགཏྱཱགཱབནཱམཱ བྷཝིཥྱདྭཱདཱི སམུཔསྠིཏཝཱན྄།

¹¹སོསྨཱཀཾ སམཱིཔམེཏྱ པཽལསྱ ཀཊིབནྡྷནཾ གྲྀཧཱིཏྭཱ ནིཛཧསྟཱཔཱདཱན྄ བདྡྷྭཱ བྷཱཥིཏཝཱན྄ ཡསྱེདཾ ཀཊིབནྡྷནཾ ཏཾ ཡིཧཱུདཱིཡལོཀཱ ཡིརཱུཤཱལམནགར ཨིཏྠཾ བདྡྷྭཱ བྷིནྣདེཤཱིཡཱནཱཾ ཀརེཥུ སམརྤཡིཥྱནྟཱིཏི ཝཱཀྱཾ པཝིཏྲ ཨཱཏྨཱ ཀཐཡཏི།

¹²ཨེཏཱདྲྀཤཱིཾ ཀཐཱཾ ཤྲུཏྭཱ ཝཡཾ ཏནྣགརཝཱསིནོ བྷྲཱཏརཤྩ ཡིརཱུཤཱལམཾ ན ཡཱཏུཾ པཽལཾ ཝྱནཡཱམཧི;

¹³ཀིནྟུ ས པྲཏྱཱཝཱདཱིཏ྄, ཡཱུཡཾ ཀིཾ ཀུརུཐ? ཀིཾ ཀྲནྡནེན མམཱནྟཿཀརཎཾ ཝིདཱིརྞཾ ཀརིཥྱཐ? པྲབྷོ ཪྻཱིཤོ རྣཱམྣོ ནིམིཏྟཾ ཡིརཱུཤཱལམི བདྡྷོ བྷཝིཏུཾ ཀེཝལ ཏནྣ པྲཱཎཱན྄ དཱཏུམཔི སསཛྫོསྨི།

¹⁴ཏེནཱསྨཱཀཾ ཀཐཱཡཱམ྄ ཨགྲྀཧཱིཏཱཡཱམ྄ ཨཱིཤྭརསྱ ཡཐེཙྪཱ ཏཐཻཝ བྷཝཏྭིཏྱུཀྟྭཱ ཝཡཾ ནིརསྱཱམ།