༢ ཐིཥལནཱིཀིནཿ 2

1

2

3

¹ཧེ བྷྲཱཏརཿ, ཨསྨཱཀཾ པྲབྷོ ཪྻཱིཤུཁྲཱིཥྚསྱཱགམནཾ ཏསྱ སམཱིཔེ ྅སྨཱཀཾ སཾསྠིཏིཉྩཱདྷི ཝཡཾ ཡུཥྨཱན྄ ཨིདཾ པྲཱརྠཡཱམཧེे,

²པྲབྷེསྟད྄ དིནཾ པྲཱཡེཎོཔསྠིཏམ྄ ཨིཏི ཡདི ཀཤྩིད྄ ཨཱཏྨནཱ ཝཱཙཱ ཝཱ པཏྲེཎ ཝཱསྨཱཀམ྄ ཨཱདེཤཾ ཀལྤཡན྄ ཡུཥྨཱན྄ གདཏི ཏརྷི ཡཱུཡཾ ཏེན ཙཉྩལམནས ཨུདྭིགྣཱཤྩ ན བྷཝཏ།

³ཀེནཱཔི པྲཀཱརེཎ ཀོ྅པི ཡུཥྨཱན྄ ན ཝཉྩཡཏུ ཡཏསྟསྨཱད྄ དིནཱཏ྄ པཱུཪྻྭཾ དྷརྨྨལོཔེནོཔསྱཱཏཝྱཾ,

⁴ཡཤྩ ཛནོ ཝིཔཀྵཏཱཾ ཀུཪྻྭན྄ སཪྻྭསྨཱད྄ དེཝཱཏ྄ པཱུཛནཱིཡཝསྟུཤྩོནྣཾསྱཏེ སྭམ྄ ཨཱིཤྭརམིཝ དརྴཡན྄ ཨཱིཤྭརཝད྄ ཨཱིཤྭརསྱ མནྡིར ཨུཔཝེཀྵྱཏི ཙ ཏེན ཝིནཱཤཔཱཏྲེཎ པཱཔཔུརུཥེཎོདེཏཝྱཾ།

⁵ཡདཱཧཾ ཡུཥྨཱཀཾ སནྣིདྷཱཝཱསཾ ཏདཱནཱིམ྄ ཨེཏད྄ ཨཀཐཡམིཏི ཡཱུཡཾ ཀིཾ ན སྨརཐ?

⁶སཱམྤྲཏཾ ས ཡེན ནིཝཱཪྻྱཏེ ཏད྄ ཡཱུཡཾ ཛཱནཱིཐ, ཀིནྟུ སྭསམཡེ ཏེནོདེཏཝྱཾ།

⁷ཝིདྷརྨྨསྱ ནིགཱུཌྷོ གུཎ ཨིདཱནཱིམཔི ཕལཏི ཀིནྟུ ཡསྟཾ ནིཝཱརཡཏི སོ྅དྱཱཔི དཱུརཱིཀྲྀཏོ ནཱབྷཝཏ྄།

⁸ཏསྨིན྄ དཱུརཱིཀྲྀཏེ ས ཝིདྷརྨྨྱུདེཥྱཏི ཀིནྟུ པྲབྷུ ཪྻཱིཤུཿ སྭམུཁཔཝནེན ཏཾ ཝིདྷྭཾསཡིཥྱཏི ནིཛོཔསྠིཏེསྟེཛསཱ ཝིནཱཤཡིཥྱཏི ཙ།

⁹ཤཡཏཱནསྱ ཤཀྟིཔྲཀཱཤནཱད྄ ཝིནཱཤྱམཱནཱནཱཾ མདྷྱེ སཪྻྭཝིདྷཱཿ པརཱཀྲམཱ བྷྲམིཀཱ ཨཱཤྩཪྻྱཀྲིཡཱ ལཀྵཎཱནྱདྷརྨྨཛཱཏཱ སཪྻྭཝིདྷཔྲཏཱརཎཱ ཙ ཏསྱོཔསྠིཏེཿ ཕལཾ བྷཝིཥྱཏི;

¹⁰ཡཏོ ཧེཏོསྟེ པརིཏྲཱཎཔྲཱཔྟཡེ སཏྱདྷརྨྨསྱཱནུརཱགཾ ན གྲྀཧཱིཏཝནྟསྟསྨཱཏ྄ ཀཱརཎཱད྄

¹¹ཨཱིཤྭརེཎ ཏཱན྄ པྲཏི བྷྲཱནྟིཀརམཱཡཱཡཱཾ པྲེཥིཏཱཡཱཾ ཏེ མྲྀཥཱཝཱཀྱེ ཝིཤྭསིཥྱནྟི།

¹²ཡཏོ ཡཱཝནྟོ མཱནཝཱཿ སཏྱདྷརྨྨེ ན ཝིཤྭསྱཱདྷརྨྨེཎ ཏུཥྱནྟི ཏཻཿ སཪྻྭཻ རྡཎྜབྷཱཛནཻ རྦྷཝིཏཝྱཾ།

¹³ཧེ པྲབྷོཿ པྲིཡཱ བྷྲཱཏརཿ, ཡུཥྨཱཀཾ ཀྲྀཏ ཨཱིཤྭརསྱ དྷནྱཝཱདོ྅སྨཱབྷིཿ སཪྻྭདཱ ཀརྟྟཝྱོ ཡཏ ཨཱིཤྭར ཨཱ པྲཐམཱད྄ ཨཱཏྨནཿ པཱཝནེན སཏྱདྷརྨྨེ ཝིཤྭཱསེན ཙ པརིཏྲཱཎཱརྠཾ ཡུཥྨཱན྄ ཝརཱིཏཝཱན྄

¹⁴ཏདརྠཉྩཱསྨཱབྷི རྒྷོཥིཏེན སུསཾཝཱདེན ཡུཥྨཱན྄ ཨཱཧཱུཡཱསྨཱཀཾ པྲབྷོ ཪྻཱིཤུཁྲཱིཥྚསྱ ཏེཛསོ྅དྷིཀཱརིཎཿ ཀརིཥྱཏི།

¹⁵ཨཏོ ཧེ བྷྲཱཏརཿ ཡཱུཡམ྄ ཨསྨཱཀཾ ཝཱཀྱཻཿ པཏྲཻཤྩ ཡཱཾ ཤིཀྵཱཾ ལབྡྷཝནྟསྟཱཾ ཀྲྀཏྶྣཱཾ ཤིཀྵཱཾ དྷཱརཡནྟཿ སུསྠིརཱ བྷཝཏ།

¹⁶ཨསྨཱཀཾ པྲབྷུ ཪྻཱིཤུཁྲཱིཥྚསྟཱཏ ཨཱིཤྭརཤྩཱརྠཏོ ཡོ ཡུཥྨཱསུ པྲེམ ཀྲྀཏཝཱན྄ ནིཏྱཱཉྩ སཱནྟྭནཱམ྄ ཨནུགྲཧེཎོཏྟམཔྲཏྱཱཤཱཉྩ ཡུཥྨབྷྱཾ དཏྟཝཱན྄

¹⁷ས སྭཡཾ ཡུཥྨཱཀམ྄ ཨནྟཿཀརཎཱནི སཱནྟྭཡཏུ སཪྻྭསྨིན྄ སདྭཱཀྱེ སཏྐརྨྨཎི ཙ སུསྠིརཱིཀརོཏུ ཙ།