32අතඃ සේනා ආගත්ය යීශුනා සහ ක්රුශේ හතයෝඃ ප්රථමද්විතීයචෝරයෝඃ පාදාන් අභඤ්ජන්;
33කින්තු යීශෝඃ සන්නිධිං ගත්වා ස මෘත ඉති දෘෂ්ට්වා තස්ය පාදෞ නාභඤ්ජන්|
34පශ්චාද් ඒකෝ යෝද්ධා ශූලාඝාතේන තස්ය කුක්ෂිම් අවිධත් තත්ක්ෂණාත් තස්මාද් රක්තං ජලඤ්ච නිරගච්ඡත්|
35යෝ ජනෝ(අ)ස්ය සාක්ෂ්යං දදාති ස ස්වයං දෘෂ්ටවාන් තස්යේදං සාක්ෂ්යං සත්යං තස්ය කථා යුෂ්මාකං විශ්වාසං ජනයිතුං යෝග්යා තත් ස ජානාති|
36තස්යෛකම් අස්ධ්යපි න භංක්ෂ්යතේ,
37තද්වද් අන්යශාස්ත්රේපි ලිඛ්යතේ, යථා, "දෘෂ්ටිපාතං කරිෂ්යන්ති තේ(අ)විධන් යන්තු තම්ප්රති| "
38අරිමථීයනගරස්ය යූෂඵ්නාමා ශිෂ්ය ඒක ආසීත් කින්තු යිහූදීයේභ්යෝ භයාත් ප්රකාශිතෝ න භවති; ස යීශෝ ර්දේහං නේතුං පීලාතස්යානුමතිං ප්රාර්ථයත, තතඃ පීලාතේනානුමතේ සති ස ගත්වා යීශෝ ර්දේහම් අනයත්|
39අපරං යෝ නිකදීමෝ රාත්රෞ යීශෝඃ සමීපම් අගච්ඡත් සෝපි ගන්ධරසේන මිශ්රිතං ප්රායේණ පඤ්චාශත්සේටකමගුරුං ගෘහීත්වාගච්ඡත්|
40තතස්තේ යිහූදීයානාං ශ්මශානේ ස්ථාපනරීත්යනුසාරේණ තත්සුගන්ධිද්රව්යේණ සහිතං තස්ය දේහං වස්ත්රේණාවේෂ්ටයන්|
41අපරඤ්ච යත්ර ස්ථානේ තං ක්රුශේ(අ)විධන් තස්ය නිකටස්ථෝද්යානේ යත්ර කිමපි මෘතදේහං කදාපි නාස්ථාප්යත තාදෘශම් ඒකං නූතනං ශ්මශානම් ආසීත්|