14පශ්චාද් ඉමේ කියත්යඃ ස්ත්රියශ්ච යීශෝ ර්මාතා මරියම් තස්ය භ්රාතරශ්චෛතේ සර්ව්ව ඒකචිත්තීභූත සතතං විනයේන විනයේන ප්රාර්ථයන්ත|
15තස්මින් සමයේ තත්ර ස්ථානේ සාකල්යේන විංශත්යධිකශතං ශිෂ්යා ආසන්| තතඃ පිතරස්තේෂාං මධ්යේ තිෂ්ඨන් උක්තවාන්
16හේ භ්රාතෘගණ යීශුධාරිණාං ලෝකානාං පථදර්ශකෝ යෝ යිහූදාස්තස්මින් දායූදා පවිත්ර ආත්මා යාං කථාං කථයාමාස තස්යාඃ ප්රත්යක්ෂීභවනස්යාවශ්යකත්වම් ආසීත්|
17ස ජනෝ(අ)ස්මාකං මධ්යවර්ත්තී සන් අස්යාඃ සේවායා අංශම් අලභත|
18තදනන්තරං කුකර්ම්මණා ලබ්ධං යන්මූල්යං තේන ක්ෂේත්රමේකං ක්රීතම් අපරං තස්මින් අධෝමුඛේ භෘමෞ පතිතේ සති තස්යෝදරස්ය විදීර්ණත්වාත් සර්ව්වා නාඩ්යෝ නිරගච්ඡන්|