யோஹந​: 7:39-44

³⁹யே தஸ்மிந் விஸ்²வஸந்தி த ஆத்மாநம்ʼ ப்ராப்ஸ்யந்தீத்யர்தே² ஸ இத³ம்ʼ வாக்யம்ʼ வ்யாஹ்ருʼதவாந் ஏதத்காலம்ʼ யாவத்³ யீஸு² ர்விப⁴வம்ʼ ந ப்ராப்தஸ்தஸ்மாத் பவித்ர ஆத்மா நாதீ³யத|

⁴⁰ஏதாம்ʼ வாணீம்ʼ ஸ்²ருத்வா ப³ஹவோ லோகா அவத³ந் அயமேவ நிஸ்²சிதம்ʼ ஸ ப⁴விஷ்யத்³வாதீ³|

⁴¹கேசித்³ அகத²யந் ஏஷஏவ ஸோபி⁴ஷிக்த்த​: கிந்து கேசித்³ அவத³ந் ஸோபி⁴ஷிக்த்த​: கிம்ʼ கா³லீல் ப்ரதே³ஸே² ஜநிஷ்யதே?

⁴²ஸோபி⁴ஷிக்த்தோ தா³யூதோ³ வம்ʼஸே² தா³யூதோ³ ஜந்மஸ்தா²நே பை³த்லேஹமி பத்தநே ஜநிஷ்யதே த⁴ர்ம்மக்³ரந்தே² கிமித்த²ம்ʼ லிகி²தம்ʼ நாஸ்தி?

⁴³இத்த²ம்ʼ தஸ்மிந் லோகாநாம்ʼ பி⁴ந்நவாக்யதா ஜாதா|

⁴⁴கதிபயலோகாஸ்தம்ʼ த⁴ர்த்தும் ஐச்ச²ந் ததா²பி தத்³வபுஷி கோபி ஹஸ்தம்ʼ நார்பயத்|