36आत्तिल्ले़आङ् कन् पाःन्निन् अप्मा मे़सुक्तुन्लो, थेआङ्भे़ल्ले़ काक्ले़ कन् पाःन्निन् से़क्खाएरो फाॽआङ् मे़निःसुआङ् मे़वाॽरो॥ हे़क्केःल्ले़ आल्लो खिनिॽग मे़न्इःत्ते थेआङ् इनोगे़न् तुक्खे के़दाःबा याःम्बक् मे़जोगे़म्मिन्ने़ॽओ॥
37खिनिॽ कन् ने़प्फु मनाहाॽ के़दारुम्सिम्माङ् वाॽसि, कर कङ्हाॽरे़ माङ्हिम्मोलाम् थेआङ् मे़ङ्घुःत्ते वाॽसि, हे़क्क्याङ् आनिॽ आर्तेमिस माङ्ङिल्ले़ कुदक्ले़ङ्वाओ माङ्चे़ॽया पाःन्नाङ् मे़म्बाःत्ते वाॽसिरो॥
38दे़मे़त्रियस नु कुयाःम्बक् के़जोःक्पा कुभा मनाहाॽरे़ तक्ले़ङ्वाओ आप्तिक् वाॽने़ फाॽग्र खासे़न्हिम् नु सुहाङ्हिम् वाॽ, हाराॽ खे़प्मो मे़दारुनि॥
39कर खे़न्नाङ्धो वेॽ पाःन् के़गत्तुम्ने़ फाॽग्र चोःक्थिम् चुम्लुङ्ङोलाम् पाःन् के़मा पोःङ्लो॥
40हे़क्केःल्ले़ आइन् के़बोःङ्बा कन् हयङ्किल्लिङ्रे़न् आप्तिक्किन् रोमि सुहाङ्युक्पाहाॽरे़ आनिॽ आम्गुःप्पा पोःक्खे़रो॥ हे़क्केःल्ले़ कन् थे पोःक्खे़बा फाॽआङ् थेआङ् पाःप्मा आन्छुक्तुम्मिन्लो॥”