Acts 19:36-40

³⁶Dariy be’ nrayag ni nge yog nde riyul’ e pi thin ney. Ere thingar mu gapasgad nge siy mu ngongliyed ban’en nga fithik’ e balyang.

³⁷Kam girngiyed e gali pumo’on ney i yib ngaray, ni dawor ra iringew ban’en u lan e pi Tempel ara karognew ban’en nib kireb ni murung’agen fare got rodad ni ppin.

³⁸Fa’anra bay ban’en u wan’ Demetrius nge chon e maruwel rok nib togopluw ngak be’, ma bay e pi rran ni kan duwgiliy ni fan ko puf oloboch ma bay e pi’in yad ma puf oloboch; rayag ni nge bagayad me togopluw ngak bagayad u rom.

³⁹Ma fa’anra bay ban’en ni gimed be finey mu lan e mu’ulung nib mat’aw ko motochiyel e ir e yira turguy riy.

⁴⁰Ya rayag ni ngan togopluw ngodad ni bochan e wagey ni kad ngongliyed e daba’. Ma dariy e tawey rodad ngabyang ni fan ko re wagey ney ni kan tay, ma dariy reb e tapgin ni bfel’ ni gadad ra pi’ ni aram fan ni kan rin’.”