30हे़क्केलॽरिक् खे़न् लिसि इङ्साबाहाॽ मे़धासिङ्ङाङ् एन्तिओक्को मे़गे़रे़॥ खे़प्मो खे़ङ्हाॽरे़ काक् नसानिबाहाॽ थिक्ते़न्नो मे़सुप्सुसिआङ् खे़न् सक्इङ्घङ्ङिन् हुक्मे़सुप्तुसिरो॥
31हे़क्क्याङ् खे़न् सक्इङ्घङ्लाम् आःन्छिङ्मा मे़घोःसुआङ् नसानिबाहाॽ साॽरिक् मे़सःत्ते़रो॥
32यहुदा नु सिलासिआङ् आबाङे माङ्निङ्वाॽपाःन् के़बाःप्पा वये़त्छि॥ नसानिबा फुॽनुसाॽहाॽ हाङ्हाङ् नु खुनिॽ नसाःन्नो के़धुम्बा चोःक्मासि फाॽआङ् खे़ङ्हाॽरे़ यरिक् पाःन्हाॽ मे़त्ते़त्छुरो॥
33खे़प्मो कुभा ये़न् वये़त्छिआङ् नसानिबा फुॽनुसाॽहाॽरे़ खिन्छिॽ नुःरिक्काङ् पेगे़त्छे़ॽओ लॽरिक् याङ्ना मे़बाङ्घु मे़देःसुसिरो॥
34((कर सिलासरे़ खे़प्मोए वाॽमा लाःप्मा निःन्धो चोगुरो॥))
35पावल नु बरनाबासे़न्नाङ् एन्तिओक्कोए वये़ लारे़त्छिरो॥ खे़ङ्हाॽ नु वेॽ यरिक्ले़ सोसोरिक् दाङ्बाल्ले़न् पेलिगे़न् पाःन्जाक्किन्इङ्भन् मे़जोगुर मनाहाॽ मे़हुॽरुसिरो॥
36कुभा ये़न् एगाङ् पावलरे़ बरनाबासे़न् मे़त्तु, “आल्ल आन्छिॽआङ् नुःङ्सि पित्छि, हे़क्क्याङ् दाङ्बाल्ले़ कुबाःन्जाक्किन् इङ्भन् आजोगे़त्छुबा पाङ्जुम्हाॽओ लःन्छिर फुॽनुसाॽहाॽ आक्खे मे़जोगुर मे़याक्पे फाॽआङ् साॽसुसिरो॥”