Text copied!
CopyCompare
Anotogi Ngago Wik Yisu Kilisiyegi Langaira - Yawe Aposolowiligu Mizayeng - Apoloso - Yawe Aposolowiligu Mizayeng - Apoloso 15

Yawe Aposolowiligu Mizayeng - Apoloso 15:30-36

Help us?
Click on verse(s) to share them!
30Togo puwiligu ngagora oroweiwili wezayela logo Antiyok yerengke kambela. Pulogo kanda puwiligu Yisuyegi ngizi kumuli mabuwili wawere keleya logo kapiyarik yana.
31Yongkambanuwili kapiyarik sangkela logo ngagorago puwili kozanda yana kopong puwili wilikwilikmokko kola.
32Pulaga Yuras keya Silasi ngeze mabiyau ngagora Anotoyaga weiya logo kozak kisiyaugu yongkambanu Yisuyegi ngizi kumuliwiliyegi ngago kozanda yana keya ngago ngizi kumuli puwiligi pura kozang kelemiyara kozak yeiyageya koya.
33Piyau sonda nayeng pulogo koyima logo yoweki kangkere miza. Yongkambanu Yisuyegi ngizi panu kumuliwiligu piyauyegi pelik yeiya, Kambeli, Anoto yali kiling kangki mena, yeiya logo wezayoyela.
34Kapura Silasigi kumularago mizagewiyege pi mabulogo wizagoma.
35Paulu keya Panabas ngong nayeng yenge Antiyok yerengke koyimowei piyau keya kolokngagono nawilirau Yemizibekki ngagora kozak yei keya waligeleyi miza.
36Piyau pilik miza logo Paulugu Panabasyegi pelik meiya, Towa kandoweki. Keya kunimowei purik yereng towago ulogo Yemizibekki ngagora kozak yeiya piyeng mabiyengke Yisuyegi ngizi kumuliwiliyegi pakela logo puwili talik yolu miziweki, meiya.

Read Yawe Aposolowiligu Mizayeng - Apoloso 15Yawe Aposolowiligu Mizayeng - Apoloso 15
Compare Yawe Aposolowiligu Mizayeng - Apoloso 15:30-36Yawe Aposolowiligu Mizayeng - Apoloso 15:30-36