26खे़ङ्हाॽरे़ग आनिॽ दाङ्बा ये़सु ख्रिस्तरे़ कुसेवा चोःक्मो खुनिॽ हिङ्मन्निन् मे़न्दाङ्घुन्लो॥
27खे़ल्ले़ चोगुल्ले़ आनिगे़ साप्तुम्बे़बा सक्इङ्घङ्ङो कन् पाःन्हाॽए चे़ङ्मा फाॽआङ् यहुदा नु सिलाससि खिनिॽओ पाङ्घुम्सिम्बे़र पत्छिगे़रो॥
28सेसेमाङ् नु आनिगे़ग खिनिॽ सम्दाङ् कप्मो के़बप्पा पाःन्हाॽनुःल्ले़ वेॽ के़साक्पा पाःन्हाॽ थे़माआङ् मे़ङ्गुःप्मानिङ्निङ्वाॽ चोगुम्बे़रो॥
29हे़क्केःल्ले़ नावाइत्लाओ सिदुङ्जभा चोःक्मनाबा चाहाॽ मे़जे़म्मिन्ने़ॽ, सामाक्खिॽआङ् मे़जे़म्मिन्ने़ॽ, हे़क्क्याङ् कुसित्ला यॽमना से़प्मनाबा सा मे़जे़म्मिन्ने़ॽओ॥ हे़क्क्याङ् चालाम्मानुआङ् एःक् वये़म्मे़ॽओ॥ अक्खे के़जोगुम्ने़ फाॽग्र नुःबाए के़जोगुम्लो॥ से़म्मुॽइरो॥”