12खिनिॽ निङ्साङ् के़जोगुम्बाल्ले़ चोगुल्ले़ सःत्ते़म्मे़ॽओ, इनोगे़न् तुक्खे के़ज्ये़ॽइल्ले़ नासि थःत्ते़म्मे़ॽओ, तुवा चोःक्मा मे़ले़रे़म्मिन्ने़ॽओ॥
13निङ्वाॽफुमाङ्ङिल्ले़ सेसे कुमनाहाॽ खुनिॽ चायोःम्बोओ कुभाॽ पिरे़म्सिम्मे़ॽ, तरे तोःसे़म्सिम्मे़ॽओ॥
14खिनिॽ तुक्खे के़जाःप्पाहाॽ साङ्ग्रा मे़मे़त्ते़म्सिम्मे़न्ने़ॽओ, कर मुॽइसाम् पिरे़म्सिम्मे़ॽओ॥
15के़सःप्पाहाॽनु सःत्ते़म्मे़ॽ, के़हाःप्पाहाॽनु हाबे़म्मे़ॽओ॥
16वेॽहाॽनु तङे़म्मे़ॽआङ् वये़म्मे़ॽ॥ आङ्दिङ् मे़लॽरे़म्मिन्ने़ॽओ, कर मे़न्जोजोबा मनाहाॽनुआङ् नःम्नःम्बा पोःक्खे़म्मे़ॽआङ् वये़म्मे़ॽओ॥ इङ्गाॽ के़रे़क् पाःन्हाॽ ले़स्सुङ् फाॽआङ् आप्फाल्ले़आङ् मे़इःत्ते़म्मिन्ने़ॽओ!
17ताप्फे़ःम्बा पाःन्निल्ले़ कुले़क्वा ताप्फे़ःम्बा पाःन् आत्तिन्नाङ् मे़मे़त्ते़म्मिन्ने़ॽ॥ के़रे़क् मनाहाॽरे़ मे़निःसुल्ले़ आत्तिन् पाःन्निन् नुःबा चोःक्, बा खे़न् पाःन्निन् चोःक्मा कोःत्ते़म्मे़ॽओ॥