3यहूदी धर्मगुरुगदेदेन फरिसीगदेसे स्य्हान्दोदेन छ्याम ब्रेल्सी चिबान लबा धुइरी स्याप्बा म्रिङम्हेमेदा चुङ्सी येशू मुबा ग्लारी भजी। ओच्छे जम्मालान ङाच्छा थे म्रिङम्हेमेदा राप्सी चिपुङ्जी।
4थेनीगदेसे येशूदा चुह्रङ् भिसी भिजी, “गुरु, चु स्य्हान्दोदेन छ्याम ब्रेल्बान लबा म्रिङम्हेमेदा चुङ्सी ङन्से ह्राङ मुबा ग्लारी भसी खबा मुला।
5य्हाङला मोशासे ठिमरी चुह्रङ्बा म्रिङम्हेमेदा युङबासे तोसी साइगो भिसी कुल्बा मुला। ह्राङसे चा चुला बारेरी तिग सुङ्बा?”
6तर येशूदा दोष लम्याङ्ला कि भिसी थेनीगदेसे चुह्रङ् भिसी ङ्योइबा मुबा। येशूसे कू तसी या जुम्बीसे सरी भ्रिबारी छ्याइजी।
7थेनीगदेसे येशूदा ङ्योइबाला ङ्योइबान लमाहेन्से येशू राप्सी थेनीगदेदा “जुन म्हिसे खाइमै पाप लबा आरे थेसे ङाच्छा चु म्रिङम्हेमेदा युङबासे तोउ” भिसी सुङ्जी।
8जमाहेन्से येशूसे दोःसी कू तसी सरी भ्रिजी।
9चु ताम थेःसी थेरी मुबा जम्मान म्हिगदे घ्रेनहेन्से जजाधोना गिक गिक लसी थेग्याम निजी। ओच्छे थेरी येशूदेन छ्याम थे म्रिङम्हेमे जे तजी। थे म्रिङम्हेमे चा अझ येशूला ङाच्छापट्टि राप्सी चिबा मुबा।