45येशू गालील अञ्चलरी धोखमाहेन्से थे ग्लाला म्हिगदेसे येशूदा मान लजी। तिग्दा भिसम मिश्र य्हुल्साग्याम फेसी खबा धिनदा ढन्सी धङ्बा चाडला धुइरी येशूसे यरूशलेम शहररी लबा जम्मान उदेकला गेगदे थेनीगदेसे म्राङ्बा मुबा। थे धुइरी थेनीगदेएनोन यरूशलेम शहररी चाड धङ्बारी निबा मुबा।
46दोःसी येशू गालील अञ्चलला काना भिबा शहररी फेप्जी। थेनोन शहररी येशूसे क्युइदा अङगुरला निङगु दोना लबा मुबा। कफर्नहुम शहररी चिबा हाकिम गिकला झा ल्हानान आखम्बा मुबा।
47येशू यहूदिया अञ्चलग्याम गालील अञ्चलरी फेप्खजी भिबा ताम थेःसी थे हाकिम येशू मुबा ग्लारी खजी। ओच्छे थेसे ह्राङ फेप्खसी ङाला झादा खम्ना लसी पिन्गो भिसी बिन्ती लजी। तिग्दा भिसम थेला झा ल्हानान आखम्ना सिबारीन छ्याइबा मुबा।
48थेतबासेलमा येशूसे थेदा “उदेकला गेदेन चिनु आम्राङ्तेधोना एनीगदेसे खाइमै विश्वास आल” भिसी सुङ्जी।