7येशूसे माया लबा चेलासे पत्रुसदा “थे मी प्रभु गा चीम” भिसी भिजी। “थे मी प्रभु गा चीम” भिबा थेःसी सिमोन पत्रुस ह्राङला क्वान क्रेप्सरी खीसी समुन्द्ररी वाङ्जी। तिग्दा भिसम थेसे क्वान स्युबा मुबा।
8तर स्य्हान्दो चेलागदे चा दोँगारीन चिसी तार्ङासे प्लिङ्बा घ्याङ छेङ्बान समुन्द्रला कुनीरी खजी। समुन्द्रला कुनीग्याम थेनीगदे ल्हाना थारेङ आरेमुबा, ओस्पन ग्यार्जा गिक मिटर ते जे थारेङ मुबा।
9समुन्द्रला कुनीरी धोखमाहेन्से थेनीगदेसे मेभुप्रारी तार्ङा म्राङ्जी ओच्छे गेङएनोन म्राङ्जी।