7Mag nʉm ee ya mʉchdëun khaug wai chirarr aawai Pedroog, —Jã maach Pör Jesús khabahab a chirajim. Ichig magbaawai sĩi khajũa khomariipai jũa sĩerr aawai ag bʉ̈rre ich khajũa wajapha jũapet awi warag dö ee dʉrbbaadëjim, jöpkharraa ichta chi Jesús sim aar baraag awia.
8Chi redjã jua miebaadee pöd jiir auba, warag sĩita jap eemuapai ëudʉ arrumua ag dʉ̈i dö igaau phẽeubaimajim, warpcha khaba dö igaaumua maar narr aar cien metrojöpai sĩerr aawai.
9Mag dö igaau panaa oocheewai ichdëu maar na õt örwia ãwarrta ag ee thʉ wai sĩejim; panjã ĩchab wai sim marau ooimajim.
San Juan 21
San Juan 21:7-9