6मेको आ पेरा गुइ आं पिया आगाम बाक्ब। मिनु मेको आ ग्युरा गुइमी आं कली मुप्शो बाक्ब।
7मेकोमी “ए, यरूसलेम ङा तमीपुकी, गो इन कली, किश्श नु रोकोश आन नेंमी अरेनुङ। आंम दाक्चा क्येङा ङोंइती दाक्तीक कली मपोक्कीन” देंत। ठेयब कुम्सो ८:३-४
8लो आं दाक्शो मुर, आ सेंदा नेनीन। कोव़ङीन, मेको पहाड मेर प्रेक्ना प्रेक्न, डांडा मेर दोरना दोरन जाक्शो बाक्ब।
9आं दाक्शो मुर किश्श नु ठिटा रोकोश खोदेंशो बाक्ब। कोव़ङीन, मेको आंइ गारो आ नोले राप्शा बाक्शो बाक्ब। मेकोमी झेल रे आगा कोव़ना कोव़न बाक्ब। मेकोमी झेल आगा रे कोव़ना कोव़न बाक्ब।
10आं दाक्शो मुरुमी आं कली “आं नेल्ल क्येङा दाक्शो नु आं दारशो मीश आल बोक्को। मिनु गो नु गाक्को” देंत। ठेयब कुम्सो २:१३
11मारदे हना मुल हिंउद लाक्तु। मिनु बर्खा यो लाक्ने थुम्तु।
12रागीम फू बोइक्चा गोम्तेक्म।
13फोव़शी रवाम फोव़शी सिन्ना सिन्न बाक्नीम। अङगुर फू बोइक्नीम। मेको ब्रोव़शो रिना पाइब। मेकोमी “आं नेल्ल क्येङा दाक्शो नु आं दारशो मीश आल बोक्को। मिनु गो नु गाक्को” देंत। ठेयब कुम्सो २:१०
ठेयब कुम्सो 2
ठेयब कुम्सो 2:6-13