3इन ख्रेक्तीक तेल ब्रोव़शो रिना पाइश्शो बाक्ब। इन नें ब्रोव़शो रिना पाइश्शो तेल मोइश्शो खोदेंशो बाक्ब। मोपतीके मीश आलपुकीमी इन कली दाक्नीमी।
4गे आं कली लाइय्यीनी। गो रीब पा लय। पिपमी आं कली आ बाक्तीकेम लाइक्ती। गो इन कली तशा ग्येरसीनीकी। गोपुकी अङगुर शांबु क्येङा यो, इन दाक्तीक कली ठेयब सेल्नीकी। मेकोपुकीम गे दारशो दुम्तीके इन कली दाक्नीमी।
5गो क्येर बाक्ती हना यो, दारशो बाक्नुङ। ए यरूसलेम ङा तमीपुकी, गो केदार आ ताम्बु नु सोलोमन आ फारतीक वा खोदेंशो क्येर बाक्नुङ। आं कली आइक्च ममिम्तीन।
6आं कली क्येर तशा, मकोव़यीनी। मारदे हना चोक्शो नांमी आं कली क्येर सेल्ती। आं ममा आ तौपुकी गो नु गाइक्तीके आं कली अङगुर रू कोव़ब सेल्तीमी। तन्न गो आंम अङगुर रू कली चहिं मकोव़ङु।
7ए आं दाक्शो मुर, इन क्यारश भेडा आन कली ते योव़नीनी? मिनु नाक्त मेको ते नाइक्नीमी? गो मारदे हेंथे गाक्ब मीश मुर खोदेंशो पा इन वारच आन बगाल आ नेक्था लचा माल्नुङा?
8मीश आल आन दाते ङा नेल्ल क्येङा दारशो मीश आल, गे क्यारश भेडा आन गाक्तीक लां खोइश्शा, गोठला आन गोठ आ नेक्था इ पाठा आन कली योव़ङो।
ठेयब कुम्सो 1
ठेयब कुम्सो 1:3-8