يَيَ 9:3-15

³عِسَ نَشَ عٍ يَابِ، «عَ شَ يُنُبِ مُ عَ رَ، عَ بَرِ مِشِيٍ قَن فبٍ مُ عَ رَ. عَ رَبَشِ نّ عَلَكٌ عَلَ شَ وَلِ شَ مَكّنّن عَ شَ قٍ كُي.

⁴قَننِ كُيٍ عِبَشِ، قٌ وٌن شَ ﭑ شّيمَ شَ وَلِ رَبَ، بَرِ مَ كْي نَ قَقٍ. عَ نَ سٌ، مِشِ مُ نْمَ وَلِدٍ سْنْن.

⁵ﭑ تٌ نَ دُنِحَ مَ يِ كِ، ﭑ تَن نَن نَ دُنِحَ نَءِيَلَنيِ رَ.»

⁶عَ نَ قَلَ شَنبِ، عِسَ نَشَ دّيٍ بْشُن بْشِ، عَ بّندّ يٌفٌن عَ رَ. عَ نَشَ نَ مَسٌ دْنشُي يَ مَ،

⁷عَ قَ عَ قَلَ عَ بّ، «سَ عِ يَ رَشَ سِلْمُ يٍ يِرٍ.» نَ سِلْمُ شِلِ نَن قَلَشِ عٍ شَ شُي، «شّيرَ». نَ كُي، دْنشُي نَشَ سَ عَ يَ رَشَ، عَ فبِلٍن، عَ يَ سٍ تٌمَ.

⁸عَ دْشْبٌورٍيٍ نُن نَشٍيٍ نُ دَرِشِ عَ تٌ رَ كُلّ مَتِدٍ، عٍ نَشَ عَ قَلَ، «يِ شّمّ شَ مُ نُ دْشْمَ بٍ، عَ نُ كُلّ مَتِ؟»

⁹ندٍيٍ نَشّ، «عِيٌ، عَ تَن نَن عَ رَ.» فبّتّيٍ نَشّ، «عَدٍ، عٍ مَنِيَشِ نّ.» كْنْ عَ تَن شّمّ نَشَ وْيّن عٍ بّ، عَ عَ قَلَ، «ﭑ تَن نَن يَتِ عَ رَ!»

¹⁰نَ كُي، عٍ نَشَ عَ مَشْرِن، «عِ يَ قَ رَبْوشِ دِ؟»

¹¹عَ نَشَ عٍ يَابِ، «شّمّ نَشَن شِلِ قَلَمَ عِسَ، نَ نَن بّندّ يٌفٌن دّيٍ رَ، عَ عَ سَ ﭑ يَ مَ، عَ قَ عَ قَلَ ﭑ بّ، ‹سَ عِ يَ رَشَ سِلْمُ يٍ يِرٍ.› نَ كُي، ﭑ تٌ سَ ﭑ يَ رَشَ، ﭑ نَشَ سٍ تٌ.»

¹²عٍ نَشَ قَ عَ مَشْرِن، «يِ شّمّ نَ مِندٍن؟» عَ نَشَ عٍ يَابِ، «ﭑ مُ عَ كٌلٌن.»

¹³عٍ نَشَ دْنشُي رَيَلَنشِ شَنِن قَرِ سّنِيٍ يِرٍ.

¹⁴عِسَ دّيٍ مَسُنبُشِ بّندّ رَ لْشْ نَشّ، عَ دْنشُي يَ رَبْو، مَلَبُ لْشْي نَن نُ عَ رَ.

¹⁵نَ كُي، قَرِ سّنِيٍ قَن نَشَ سٌ عَ مَشْرِنقٍ، عَ يَ رَبْوشِ كِ نَشّ. عَ نَشَ عٍ يَابِ، «عَ بّندّ يٌفٌنشِ نَن سَ ﭑ يَ مَ، ﭑ عٍ رَشَ، عٍ سٍ تٌ.»