يَيَ 3:9-25

⁹نِكٌدٍ مُ نَشَ عَ مَشْرِن، «نَ رَبَمَ دِ؟»

¹⁰عِسَ نَشَ عَ يَابِ، «عِ تَن نَشَن قِندِشِ عِسِرَيِلَ كَرَ مْشْ شُنفبٍ رَ، عِ مُ نَ كٌلٌن؟

¹¹ﭑ شَ نْندِ يَتِ قَلَ عِ بّ، مُشُ قٍيٍ نَن قَلَمَ مُشُ نَشٍيٍ كٌلٌن. مُشُ مَن قٍيٍ نَن سٍيدٍ بَمَ مُشُ نَشٍيٍ تٌشِ، كْنْ وٌ بَرَ تٌندِ مُشُ شَ سٍيدٍحْشْيَ رَ.

¹²شَ وٌ مُ لَ ﭑ شُي رَ، ﭑ تٌ يِ دُنِحَ قٍيٍ قَلَقٍ وٌ بّ، شَ ﭑ سَ عَرِيَننَ قٍيٍ نَن قَلَ وٌ بّ، وٌ لَمَ عَ رَ دِ؟

¹³مِشِ يٌ مُ نُ تٍ عَرِيَننَ، قٌ عَدَ مَ شَ دِ نَشَن كٍلِشِ عَرِيَننَ.»

¹⁴«عَننَبِ مُنسَ تٌ نُ نَ فبٍنفبٍرٍنيِ مَ، عَ نَشَ بْشِمَسٍ مِسَالِ ندٍ يَءِلَن وُرٍ فبٍيلِ رَ، عَ عَ عِتٍ وُرِ كُيٍ مَ. عَدَ مَ شَ دِ قَن لَنمَ عَ شَ عِتٍ وُرِ كْن نَ نَ كِ نّ،

¹⁵عَلَكٌ نَشَن يٌ دَنشَنِيَ عَ مَ، نَ كَنيِ شَ كِسِ سْتْ نَشَن مُ حْنمَ عَبَدَن.

¹⁶عَلَ دُنِحَ شَنُ نّ هَن عَ نَشَ عَ شَ دِ كٍرٍنيِ قِ، عَلَكٌ مِشِ يٌ نَشَن نَ دَنشَنِيَ عَ مَ، عَ نَشَ لْي، عَ شَ كِسِ نّ عَبَدَن.

¹⁷عَلَ مُ عَ شَ دِ شّي دُنِحَ شَ رَتْندٍ، عَ عَ شّي نّ عَ شَ قَ دُنِحَ رَكِسِ.

¹⁸نَشَن يٌ نَ دَنشَنِيَ عَ مَ، كِيتِ مُ كَنَمَ نَ كَنيِ رَ، كْنْ نَشَن يٌ مُ دَنشَنِيَ عَ مَ، كِيتِ حَن بَرَ فّ كَنَدٍ نَ كَنيِ رَ، بَرِ مَ عَ مُ دَنشَنِيَشِ عَلَ شَ دِ كٍرٍنيِ مَ.

¹⁹كِيتِ نَن يَ؛ عَلَ شَ نَءِيَلَنيِ بَرَ قَ دُنِحَ، كْنْ دِ مِ رَقَن عَدَ مَدِيٍ مَ دَنفِ نَ نَءِيَلَنيِ رَ، بَرِ مَ عٍ كّوَلِ مُ قَن.

²⁰نَءِيَلَنيِ مُ رَقَن قٍ كٌبِ رَبَ يٌ مَ. عٍ مُ مِنِمَ نَءِيَلَنيِ مَ، عٍ شَ وَلِ كٌبِيٍ نَشَ قَ سَ كّنّ مَ.

²¹كْنْ نَشَن يٌ حّرّ مَ عَلَ شَ نْندِ مَ، عَ تَن مِنِمَ نَءِيَلَنيِ مَ، عَلَكٌ عَلَ وَشْنقٍ عٍ نَشَن نَبَقٍ، نَ شَ سَ كّنّ مَ.»

²²نَ شَنبِ، عِسَ نُن عَ قْشِرَبِرّيٍ نَشَ كٍلِ دَرِ سَلَمُ عٍ سٌ يُدَيَ بْشِ مَ. عِسَ نَشَ وَشَتِ ندٍ رَبَ مّننِ عَ نُن عَ قْشِرَبِرّيٍ، عٍ نُ مِشِيٍ شُنشَمَ يٍ شْورَ.

²³يَيَ قَن نُ مِشِيٍ شُنشَمَ يٍ شْورَ عٍنٌن نّ، سَلِمٌن قّ مَ، بَرِ مَ يٍ فبٍفبٍ نُ نَ نَا. مِشِيٍ نُ سِفَمَ عَ شْن، عَ تَن نُ عٍ شُنشَ يٍ شْورَ.

²⁴عَ عَ لِشِ نَ تّمُي، عَ مُ نُ سَشِ فٍيلِ سِندٍن.

²⁵لْشْ ندٍ، وْيّنيِ نَشَ مِنِ يَيَ قْشِرَبِرّيٍ نُن يُوِقِ ندٍ تَفِ مَرَ سّنِيّنيِ شَ قٍ رَ.