يَيَ 3:13-18

¹³مِشِ يٌ مُ نُ تٍ عَرِيَننَ، قٌ عَدَ مَ شَ دِ نَشَن كٍلِشِ عَرِيَننَ.»

¹⁴«عَننَبِ مُنسَ تٌ نُ نَ فبٍنفبٍرٍنيِ مَ، عَ نَشَ بْشِمَسٍ مِسَالِ ندٍ يَءِلَن وُرٍ فبٍيلِ رَ، عَ عَ عِتٍ وُرِ كُيٍ مَ. عَدَ مَ شَ دِ قَن لَنمَ عَ شَ عِتٍ وُرِ كْن نَ نَ كِ نّ،

¹⁵عَلَكٌ نَشَن يٌ دَنشَنِيَ عَ مَ، نَ كَنيِ شَ كِسِ سْتْ نَشَن مُ حْنمَ عَبَدَن.

¹⁶عَلَ دُنِحَ شَنُ نّ هَن عَ نَشَ عَ شَ دِ كٍرٍنيِ قِ، عَلَكٌ مِشِ يٌ نَشَن نَ دَنشَنِيَ عَ مَ، عَ نَشَ لْي، عَ شَ كِسِ نّ عَبَدَن.

¹⁷عَلَ مُ عَ شَ دِ شّي دُنِحَ شَ رَتْندٍ، عَ عَ شّي نّ عَ شَ قَ دُنِحَ رَكِسِ.

¹⁸نَشَن يٌ نَ دَنشَنِيَ عَ مَ، كِيتِ مُ كَنَمَ نَ كَنيِ رَ، كْنْ نَشَن يٌ مُ دَنشَنِيَ عَ مَ، كِيتِ حَن بَرَ فّ كَنَدٍ نَ كَنيِ رَ، بَرِ مَ عَ مُ دَنشَنِيَشِ عَلَ شَ دِ كٍرٍنيِ مَ.