يَيَ 2:7-15

⁷عِسَ نَشَ عَ قَلَ كٌنيِيٍ بّ، «وٌ يِ قّحّيٍ رَقٍ يٍ رَ.» عٍ نَشَ عٍ بِرِن نَقٍ تَثُ.

⁸عَ مَن نَشَ عَ قَلَ عٍ بّ، «يَكْسِ، وٌ عَ ندٍ بَ، وٌ عَ شَنِن شُلُن شُنيِ شْن مَ.» عٍ نَشَ نَ قَن نَبَ.

⁹شُلُن شُنيِ تٌ نَ يٍ مِن عِسَ نُ بَرَ نَشَن مَقِندِ وّنِ رَ، عَ مُ نُ عَ كٍلِدٍ كٌلٌن، كْنْ كٌنيِ نَشٍيٍ يٍ بَشِ، نٍيٍ تَن عَ كٌلٌن. عَ تٌ عَ مِن، عَ نَشَ فِنّقٍنيِ شِلِ،

¹⁰عَ عَ قَلَ عَ بّ، «شُلُن كَنيِ بِرِن وّنِ قَنيِ نَن سِنفٍ رَ مِنِمَ، مِشِيٍ نَ سِيسِ، عٍ قَ وّنِ فبّتّ رَ مِنِ. كْنْ عِ تَن بَرَ وّنِ قَنيِ رَفَتَ هَن يِ تّمُي!»

¹¹نَ نَشَ قِندِ عِسَ شَ تْنشُمَ سِنفٍ رَ. عَ عَ رَبَ كَانَ نّ، فَلِلٍ بْشِ مَ. نَ قٍ كُي، عَ عَ شَ نْرّ نَن مَكّنّن، عَ قْشِرَبِرّيٍ نَشَ لَ عَ رَ.

¹²نَ شَنبِ، عَ نَشَ سَ فٌرٌ كَثّرّنَمُ، عَ نُن عَ نفَ، عَ شُنيَيٍ، نُن عَ قْشِرَبِرّيٍ. عٍ نَشَ سَ شِ ندٍيٍ رَدَنفِ نَا.

¹³يُوِقِيٍ شَ سَيَمَلٍكّ دَنفِ سَلِ تٌ مَكْرّ، عِسَ نَشَ تٍ دَرِ سَلَمُ.

¹⁴عَ نَشَ سَ لِ، نِنفٍ، يّشّي، نُن فَنبّ مَتِيٍ نُ نَ هْرْ مْبَنشِ يِرٍ، كْبِرِ مَسَرّيٍ قَن نُ دْشْشِ نَا.

¹⁵عِسَ نَشَ لُوتِ ندٍيٍ يَءِلَن لُشُسِنيِ رَ، عَ يُلّيٍ بِرِن كٍرِ هْرْ مْبَنشِ كُي، عَ نُن عٍ شَ نِنفٍيٍ نُن يّشّييٍ. عَ نَشَ كْبِرِ مَسَرّيٍ شَ كْبِرِ رَيٍنسٍن بْشِ، عَ عٍ شَ تٍيبِلِيٍ رَبِرَ.