Yosuwe 5:10-14 in Susu

¹⁰ Isirayilakae naxa yonkin Giligali Yurudɛn fili ma Yeriko biri ra, e Sayamalekɛ Dangi Sali raba naa nunmare tɛmui, kike xi fu nun naani nde.

¹¹ Sayamalekɛ Dangi Sali kuye iba, e naxa na bɔxi daxamui, taami lɛbinitare, nun sansi xɔri ganxie don.

¹² E to bɔxi daxamui don, na kuye iba, mana mu goro sɔnɔn. Isirayilakae fa Kanaan bɔxi daxamui gbansan nan don na ɲɛ ra.

¹³ Lɔxɔɛ nde Yosuwe nu na Yeriko longori. A naxa xɛmɛ nde to, a tixi a ya i, a xa santidɛgɛma mageli suxuxi a yi. Yosuwe naxa a makɔrɛ a ra, a a maxɔrin, «I na muxu tan nan bɛ, ka muxu yaxui nan lanxi i ma?»

¹⁴ A naxa Yosuwe yaabi, «N tan nan na Alatala xa sɔɔrie xa mangɛ ra. N bara fa.» Yosuwe naxa a felen a bun ma, a fa a fala a bɛ, «N Marigi munse masenxi a xa konyi bɛ?»

¹⁰ عِسِرَيِلَكَيٍ نَشَ يٌنكِن فِلِفَلِ يُرُدّن قِلِ مَ يٍرِكٌ بِرِ رَ، عٍ سَيَمَلٍكّ دَنفِ سَلِ رَبَ نَا نُنمَرٍ تّمُي، كِكٍ شِ قُ نُن نَانِ ندٍ.

¹¹ سَيَمَلٍكّ دَنفِ سَلِ كُيٍ عِبَ، عٍ نَشَ نَ بْشِ دَشَمُي، تَامِ لّبِنِتَرٍ، نُن سَنسِ شْرِ فَنشِيٍ دٌن.

¹² عٍ تٌ بْشِ دَشَمُي دٌن، نَ كُيٍ عِبَ، مَنَ مُ فٌرٌ سْنْن. عِسِرَيِلَكَيٍ قَ كَنَان بْشِ دَشَمُي فبَنسَن نَن دٌن نَ حّ رَ.

¹³ لْشْي ندٍ يٌسُوٍ نُ نَ يٍرِكٌ لٌنفٌرِ. عَ نَشَ شّمّ ندٍ تٌ، عَ تِشِ عَ يَ عِ، عَ شَ سَنتِدّفّمَ مَفٍلِ سُشُشِ عَ يِ. يٌسُوٍ نَشَ عَ مَكْرّ عَ رَ، عَ عَ مَشْرِن، «عِ نَ مُشُ تَن نَن بّ، كَ مُشُ يَشُي نَن لَنشِ عِ مَ؟»

¹⁴ عَ نَشَ يٌسُوٍ يَابِ، «ﭑ تَن نَن نَ عَلَتَلَ شَ سْورِيٍ شَ مَنفّ رَ. ﭑ بَرَ قَ.» يٌسُوٍ نَشَ عَ قٍلٍن عَ بُن مَ، عَ قَ عَ قَلَ عَ بّ، «ﭑ مَرِفِ مُنسٍ مَسٍنشِ عَ شَ كٌنيِ بّ؟»