يٌسُوٍ 13:11-32

¹¹عٍ مَن نَشَ فَلَدِ سْتْ، فٍسُرِكَيٍ نُن مَاكَكَيٍ شَ بْشِ، شٍرِ مٌن فٍيَ، نُن بَسَن بْشِ هَن عَ سَ سَلَكَ لِ.

¹²بَسَن مَنفّ عٌفٌ قَن شَ بْشِ، نَشَن نُ دْشْشِ عَسَتَرٌتِ نُن عٍدٍرٍيِ تَايٍ، نَشَن قِندِ رٍقَ بْنسْي مِشِ دْنشْي رَ، نَ قَن فبٍ بِرِن نَشَ قِندِ عِسِرَيِلَكَيٍ فبٍ رَ. عَننَبِ مُنسَ نَشَ نْ يِ حَمَنّ بِرِن نَ، عَ نَشَ عٍ شَ بْشِ بِرِن تٌنفٌ.

¹³كْنْ عِسِرَيِلَكَيٍ مُ فٍسُرِكَيٍ نُن مَاكَكَيٍ كٍرِ. هَن تٌ عٍ سَبَتِشِ عِسِرَيِلَكَيٍ يَ مَ.

¹⁴عَننَبِ مُنسَ مُ بْشِ يٌ قِ لٍوِ بْنسْي تَن مَ، بَرِ مَ سّرّشّ فَن دَاشِ نَشٍيٍ بَمَ عِسِرَيِلَ مَرِفِ عَلَتَلَ بّ، عٍ نٍيٍ نَن قِندِشِ عٍ تَن فبٍ كّ رَ عَلْ عَلَ عَ مَسٍن كِ نَشّ.

¹⁵عَننَبِ مُنسَ نُ بَرَ بْشِ قِ رُبٍن بْنسْي مَ، عٍ شَبِلّ كِ مَ.

¹⁶عٍ شَ بْشِ نَشَ قْلْ عَرٌوٍرِ عَرِنٌن شُرٍ دّ رَ، عَ تَا لِ نَشَن نَ فٍيَ بُنيِ، هَن عَ سَ مٍدٍبَ رَبِلِنيِ لِ،

¹⁷عَ شّسِبْن لِ، نُن تَا نَشٍيٍ بِرِن نَ نَا رَبِلِنيِ. نَ تَايٍ شِلِ؛ دِبٌن، بَمٌتِ بَلِ، بٍتِ بَلِ مٍيٌنِ،

¹⁸يَهَسِ، كٍدٍ مٌتِ، مٍقَاتِ،

¹⁹كِرِيَتَيِمِ، سِبِمَ، سّرّتِ سَشَرِ نَشَن نَ فٍيَ قَرِ،

²⁰بٍتِ ثٍيٌرِ، ثِسِفَ فٍيَ قَرِ، بٍتِ يٍسِمٌتِ،

²¹تَا نَشٍيٍ بِرِن نَ قِيلِ مَ نُن عَمٌرِ مَنفّ سِشْن، نَشَن نُ دْشْشِ شّسِبْن، نَ شَ بْشِ بِرِن. عَننَبِ مُنسَ نُ بَرَ مَنفّ سِشْن قَشَ، عَ نُن مَدِيَن مَنفّدِيٍ عٍقِ، رٍكٍمِ، سُرُ، شُرُ، نُن رٍبَ. عٍ نُ سَبَتِشِ بْشِ كُي سِشْن شَ مَنفّيَ بُن مَ.

²²عِسِرَيِلَكَيٍ نَشَ بٍيٌرِ شَ دِ شّمّ بَلَمِ قَن قَشَ سَنتِدّفّمَ رَ، نَشَن نُ دُورٍيَ رَبَمَ.

²³يُرُدّن شُرٍ قِندِشِ رُبٍن بْنسْي شَ نَانِنيِ نَن نَ سٌفٍفٌرٌدٍ بِرِ رَ. نَ تَايٍ نُن عٍ شَ بْشِيٍ قِندِشِ رُبٍن بْنسْي فبٍ نَن نَ.

²⁴عَننَبِ مُنسَ نَشَ يِ بْشِ قِ فَدِ بْنسْي مَ عٍ شَبِلّ كِ مَ؛

²⁵يَاسّرِ بْشِ، فَلَدِ بْشِ تَايٍ بِرِن، نُن عَمٌنِ بْشِ سّيتِ كٍرٍن، هَن عَ سَ عَرٌوٍرِ لِ، رَبَ يَ تَفِ،

²⁶كَقِ شّسِبْن هَن عَ سَ رَ مَتِ مِسِثَ نُن بٍتٌنِمِ لِ، كَقِ مَشَنَيِمِ هَن عَ سَ دٍبِرِ بْشِ لِ،

²⁷عَ سَ بٍتِ هَرَ مَ، بٍتِ نِمِرَ، سُكْتِ، نُن سٍقٌن لِ، تَا نَشٍيٍ نُ نَ يُرُدّن شُرٍ قّ مَ، عَ سَ شّسِبْن مَنفّ سِشْن شَ بْشِ بِرِن لِ، نُن يُرُدّن رَبِلِنيِ سٌفٍتٍدٍ بِرِ هَن عَ سَ دْشْ كِنٍرٍتِ بَا رَ.

²⁸يِ بِرِن نَشَ قِندِ فَدِ بْنسْي كّ رَ عٍ شَبِلّ كِ مَ، كَنكَن نُن عَ شَ تَا، نُن عَ دَاشَ.

²⁹عَننَبِ مُنسَ نَشَ يِ بْشِ قِ مَنَسِ بْنسْي سّيتِ سِنفٍ مَ، مَنَسِ شَ دِيٍ سّيتِ كٍرٍن مَ؛

³⁰بَسَن بْشِ بِرِن، نَشَن نُ بَسَن مَنفّ عٌفٌ شَ مَنفّيَ بُن مَ، قْلْقٍ مَشَنَيِمِ، هَن عَ سَ يَيِرِ لِ. نَ قِندِ تَا تٌنفٌ سٍننِ نَن نَ.

³¹عٍ مَن نَشَ فَلَدِ بْشِ سّيتِ كٍرٍن سْتْ، عٍ نَشَ عَسَتَرٌتِ نُن عٍدٍرٍيِ تَايٍ سْتْ، نَشٍيٍ نُ قِندِشِ بَسَن مَنفّ عٌفٌ فبٍ رَ. مَنَسِ شَ دِ مَكِرِ نَشَ يِ بِرِن سْتْ عَ شَ دِيٍ سّيتِ كٍرٍن بّ عٍ شَبِلّ كِ مَ.

³²عَننَبِ مُنسَ نَشَ يِ كّ قِ عِسِرَيِلَكَيٍ مَ عَ نُ نَ مٌوَبَ قِيلِ مَ تّمُي نَشّ، يُرُدّن كِرِ مَ يٍرِكٌ سٌفٍتٍدٍ بِرِ.