لٍوِ سّرّشّدُبّ 6:7-18

⁷«سّرِيّ نَن يَ سَنسِ شْرِ دِنشِ سّرّشّ شَ قٍ رَ. هَرُنَ شَ دِيٍ شَ قَ نَ سّرّشّ رَ سّرّشّبَدٍ ﭑ تَن عَلَتَلَ يَ عِ.

⁸سّرّشّدُبّ شَ سُشُ كٍرٍن كْ سَنسِ شْرِ دِنشِ رَ، عَ نُن تُرٍ، عَ نُن سُرَيِ نَشَن بِرِن سَمَ عَ قَرِ، عَ شَ نَ بِرِن فَن سّرّشّ تْنشُمَ رَ سّرّشّبَدٍ قَرِ. نَ شِرِ رَقَن ﭑ تَن عَلَتَلَ مَ.

⁹نَشَن لُشِ، هَرُنَ نُن عَ شَ دِيٍ شَ نَ دٌن عَ لّبِنِتَرٍ رَ، هْرْ مْلِنفِرَ تّتّ سّنِيّنشِ كُي.

¹⁰عَ مُ لَنمَ عَ شَ حِن لّبِنِ رَ، بَرِ مَ عَ قَتَنشِ ﭑ مَ سّرّشّ فَن دَاشِيٍ نَن نَ نَشٍيٍ سّنِيّنشِ هَن عَلْ يُنُبِ شَقَرِ سّرّشّ نُن يّتّ رَفبِلٍن سّرّشّ.

¹¹هَرُنَ شَ دِ شّمّيٍ نْمَ نَ دٌندٍ. يَامَرِ نَ عَ رَ وٌ بْنسْي بّ نَشَن مُ كَنَمَ عَبَدَن. مِشِ نَشَن بِرِن عَ مَكْرّ مَ نَ سّرّشّ فَن دَاشِيٍ رَ نَشٍيٍ بَمَ ﭑ تَن عَلَتَلَ بّ، نَ كَنيِيٍ سّنِيّنمَ نّ.»

¹²عَلَتَلَ نَشَ عَ مَسٍن عَننَبِ مُنسَ بّ،

¹³«هَرُنَ تِمَ سّرّشّدُبّ كُنتِفِ رَ لْشْي نَشّ، عَ لَنمَ عَ تَن هَرُنَ نُن عَ شَ دِيٍ شَ سَنسِ شْرِ قَنيِ دِنشِ كٌنبٌ يَ كٍرٍن بَ سّرّشّ رَ. نَ سّرّشّ تَفِ بَمَ فّيسّفّ، بٌورٍ تَفِ بَمَ نُنمَرٍ. نَ مْولِ شَ رَبَ مِشِ تِمَ سّرّشّدُبّ كُنتِفِ رَ تّمُي نَشّ.

¹⁴يِ سَنسِ شْرِ دِنشِ شَ فِلِن تُندٍ كُي، تُرٍ شَ سَ عَ مَ. عَ نَ حْن، عَ شُنتُنيِيٍ شَ فَن تّ شْورَ، عَ شَ قِندِ شِرِ حْشُنمّ رَ عَلَتَلَ بّ.

¹⁵سّرّشّدُبّ نَشَن قِندِ مَ هَرُنَ حْشْي رَ شَ نَ سّرّشّ مْولِ بَ. عَ شَ رَبَ نَ كِ نّ تّمُي بِرِن ﭑ تَن عَلَتَلَ يَ عِ. نَ سّرّشّ بِرِن شَ فَن.

¹⁶سّرّشّدُبّ شَ سّرّشّ بِرِن شَ فَن، عٍ نَشَ نَ سٍسٍ دٌن.»

¹⁷عَلَتَلَ نَشَ عَ مَسٍن عَننَبِ مُنسَ بّ،

¹⁸«يِ يَامَرِ سٌ هَرُنَ نُن عَ شَ دِيٍ يِ رَ؛ ‹سّرِيّ نَن يَ يُنُبِ شَقَرِ سّرّشّ شَ قٍ رَ. يُنُبِ شَقَرِ سّرّشّ كْن نَشَبَمَ سّرّشّ فَن دَاشِ كْن نَشَبَدٍ نّ، بَرِ مَ سٍ سّنِيّنشِ نَ عَ رَ.