لٍوِ سّرّشّدُبّ 26:26-34

²⁶ﭑ كَامّ رَدِنمَ وٌ مَ تّمُي نَشّ، فِنّ قُ تَامِ فَنمَ نّ تَامِ فَنسٍ كٍرٍن كُي. عٍ نَ عِتَشُن عَ شُنشُرِ رَ، عٍ عَ شَنِن وٌ شْن مَ وٌ عَ دٌن، كْنْ عَ مُ وٌ وَ سَمَ.»

²⁷«نَ بِرِن نَبَ شَنبِ وٌ رَ، شَ وٌ مُ وٌ تُلِ مَتِ ﭑ نَ، شَ وٌ تٌندِ ﭑ وَشْنقٍ سُشُدٍ،

²⁸ﭑ قٍ شْرْشْي رَقَمَ نّ وٌ مَ، ﭑ وٌ حَشَنكَتَ هَن سَنمَيَ سٌلٌقٍرٍ وٌ شَ يُنُبِيٍ شَ قٍ رَ.

²⁹وٌ قَمَ وٌ شَ دِيٍ سُبٍ يَتِ دٌندٍ.

³⁰ﭑ وٌ شَ كُيٍ بَتُدٍيٍ كَنَمَ نّ نَشٍيٍ نَ فٍيَيٍ قَرِ. ﭑ وٌ شَ فّمّيٍ رَبِرَ مَ نّ، وٌ نَشٍيٍ بَتُمَ. ﭑ قُرٍيٍ مَلَنمَ نّ وٌ شَ كُيٍيٍ قَرِ. ﭑ وٌ رَبّحِنمَ نّ،

³¹ﭑ وٌ شَ تَايٍ قِندِ فبٍنفبٍرٍنيِ رَ، ﭑ وٌ شَ بَتُدٍيٍ كَنَ، ﭑ تٌندِ وٌ شَ سّرّشّيٍ سُشُدٍ سْنْن.

³²ﭑ نَ فّ وٌ شَ بْشِ كَنَدٍ، وٌ يَشُييٍ يَتِ قَمَ كَابَدٍ نَ شَ قٍ رَ.

³³ﭑ وٌ رَيٍنسٍنمَ نّ حَمَنّ فبّتّيٍ مَ، ﭑ وٌ حَشَنكَتَمَ نّ سَنتِدّفّمَ رَ. وٌ شَ بْشِ كَنَمَ نّ، مِشِ يٌ مُ لُمَ وٌ شَ تَايٍ كُي.»

³⁴«نَ وَشَتِ بُن مَ وٌ شَ بْشِ مَلَبُمَ نّ. وٌ نَ وٌ يَشُييٍ يِرٍ تّمُي نَشّ، وٌ شَ بْشِ قَنمَ نّ مَلَبُي سَابُي رَ.