لٍوِ سّرّشّدُبّ 25:28-37

²⁸كْنْ شَ عَ مُ نَ شُنسَرٍ قّيرّ سْتْ، نَ بْشِ شَ لُ عَ سَرَ مِشِ يِ رَ هَن شْرّيَ حّ رَ. نَ تّمُي بْشِ كَنيِ مَن شَ فبِلٍن عَ شَ بْشِ مَسْتْ رَ.»

²⁹«شَ مِشِ ندٍ سَ عَ شَ بَنشِ مَتِ نَشَن نَ تَا كُي تّتّ رَبِلِنشِ نَشَن نَ، عَ نْمَ نَ بَنشِ شُن سَرَدٍ حّ كٍرٍن بُن مَ.

³⁰شَ نَ بَنشِ شُن مُ سَرَ نَ حّ كُي، عَ لُمَ نّ عَ سَرَ مِشِ نُن عَ بْنسْي يِ رَ عَبَدَن. هَلِ شْرّيَ حّ كُي عَ سَرَ مِشِ مُ كٍلِمَ نَا.

³¹كْنْ بَنشِ نَشٍيٍ تِشِ تَا شُنشُرِيٍ كُي، نَشٍيٍ مُ رَبِلِنشِ تّتّ رَ، نٍيٍ لُمَ عَلْ بْشِ. عٍ نْمَ شُن سَرَدٍ. نَشَن نَ مْولِ سَرَ مَ، عَ لَنمَ عَ شَ مِنِ نَ بَنشِ شْرّيَ حّ رَ.»

³²«لٍوِكَيٍ تَن نْمَ عٍ شَ بَنشِيٍ شُن سَرَدٍ عٍ شَ تَايٍ كُي تّمُي بِرِن.

³³نَشَن بَرَ لٍوِكَ ندٍ شَ بَنشِ سَرَ، عَ مِنِمَ نّ نَ كُي شْرّيَ حّ تّمُي، بَرِ مَ بَنشِ نَشٍيٍ نَ لٍوِكَيٍ شَ تَايٍ كُي، نٍيٍ قِندِشِ لٍوِكَيٍ نَن فبٍ رَ عِسِرَيِلَ حَمَ تَفِ.

³⁴شّ نَشٍيٍ نَ لٍوِكَيٍ شَ تَايٍ رَبِلِنيِ، نٍيٍ مُ نْمَ مَتِدٍ، بَرِ مَ لٍوِكَيٍ نَن فبٍ عٍ رَ عَبَدَن.»

³⁵«شَ وٌ نفَشَكٍرٍنيِ ندٍ قِندِ سٍتَرٍ رَ، قّيرّ مُ نَ عَ يِ رَ عَ بَلٌمَ نَشَن نَ، عَ لَنمَ وٌ شَ عَ مَلِ عَلْ شْحّ، عَ شَ لُ وٌ قّ مَ.

³⁶وٌ نَشَ رِبَ سَ عَ شَ دٌنِ شُن مَ. وٌ شَ فَاشُ وٌ مَرِفِ عَلَ يَ رَ. وٌ شَ وٌ نفَشَكٍرٍنيِ يِفِيَ.

³⁷وٌ نَشَ رِبَ سَ عَ شَ دٌنِ شُن مَ، وٌ نَشَ رِبَ سَ عَ شَ دٌنسٍ سَرٍ شُن مَ.