لٍوِ سّرّشّدُبّ 20:1-24

¹عَلَتَلَ نَشَ عَ مَسٍن عَننَبِ مُنسَ بّ،

²«عَ قَلَ عِسِرَيِلَكَيٍ بّ، شَ عِسِرَيِلَكَ ندٍ، شَ نَ مُ عَ رَ شْحّ ندٍ نَشَن سَبَتِشِ عِسِرَيِلَ بْشِ مَ، عَ شَ دِ ندٍ بَ سّرّشّ رَ مْلْكْ كُيٍ بّ، حَمَ شَ نَ كَنيِ مَفْنْ فّمّيٍ رَ هَن عَ شَ قَشَ.

³ﭑ تَن قَن فبِلٍنمَ نّ نَ مِشِ قْشْ رَ، ﭑ عَ رَ مِنِ حَمَ يَ مَ، بَرِ مَ عَ بَرَ ﭑ مَ يِرٍ سّنِيّنشِ يٍلٍبُ، عَ بَرَ ﭑ شِلِ سّنِيّنشِ كَنَ نَ سّرّشّ مْولِ رَ مْلْكْ كُيٍ بّ.

⁴شَ حَمَ عَ يَ رَشِ نَ قٍ مَ، عٍ تٌندِ مِشِ قَشَدٍ، نَشَن عَ شَ دِ بَشِ سّرّشّ رَ مْلْكْ بّ،

⁵ﭑ تَن فبِلٍنمَ نّ نَ مِشِ نُن عَ شَبِلّ قْشْ رَ، ﭑ نٍيٍ كٍرِ عٍ شَ حَمَ يَ مَ، عَ نُن مِشِ بِرِن نَشٍيٍ ﭑ يَنقَمَ مْلْكْ كُيٍ شَ قٍ رَ.»

⁶«شَ مِشِ ندٍ ﭑ يَنقَ، عَ بِرَ سٍمَتٌي قْشْ رَ، عَ نُن مِشِ نَشَن مِشِ قَشَشِيٍ رَوْيّنمَ، ﭑ فبِلٍنمَ نَ كَنيِ قْشْ رَ، ﭑ عَ كٍرِ عَ شَ حَمَ يَ مَ.

⁷وٌ شَ وٌ حّرّ سّنِيّنيِ كُي، عَلَكٌ وٌ شَ سّنِيّن، بَرِ مَ عَلَتَلَ نَن ﭑ نَ، وٌ مَرِفِ عَلَ.

⁸وٌ شَ ﭑ مَ يَامَرِيٍ رَبَتُ، وٌ شَ عٍ رَتِنمّ. عَلَتَلَ نَن ﭑ نَ، نَشَن وٌ رَ سّنِيّنمَ.»

⁹«نَشَن يٌ عَ بَبَ دَنكَ، شَ نَ مُ عَ رَ عَ نفَ، وٌ شَ نَ كَنيِ قَشَ. عَ تَن نَن عَ قَشَ قٍ رَفِرِشِ، بَرِ مَ عَ بَرَ عَ بَبَ دَنكَ، شَ نَ مُ عَ رَ عَ نفَ.»

¹⁰«شَ شّمّ ندٍ يّنّ رَبَ عَ مَلَن بٌورٍ شَ فِنّ رَ، نَ شّمّ نُن نَ فِنّ شَ قَشَ عٍ شَ لَنفٌيحَ شَ قٍ رَ.»

¹¹«شَ شّمّ ندٍ كَقُ نُن عَ بَبَ شَ فِنّ رَ، عَ بَرَ قٍ حَاشِ رَبَ عَ بَبَ رَ. وٌ شَ نَ شّمّ نُن نَ فِنّ قَشَ عٍ شَ يُنُبِ شَ قٍ رَ.»

¹²«شَ شّمّ ندٍ كَقُ نُن عَ شَ دِ شَ فِنّ رَ، وٌ شَ عٍ قِرِنيِ بِرِن قَشَ نَ يُنُبِ شَ قٍ رَ، بَرِ مَ نَ قٍ مْولِ مُ قَن قٍوٌ.»

¹³«شَ شّمّ ندٍ كَقُ نُن شّمّ فبّتّ رَ عَلْ شّمّ دَرِشِ عَ رَبَ رَ فِنّ رَ كِ نَشّ، وٌ شَ عٍ قِرِنيِ بِرِن قَشَ نَ قٍ شْنشِ شَ قٍ رَ.»

¹⁴«شَ شّمّ ندٍ كَقُ نُن فِنّ رَ نُن نَ شَ دِ فِنّ رَ، عٍ بَرَ قٍ حَاشِ رَبَ. وٌ شَ عٍ فَن تّ رَ، شّمّ نُن فِنّ، عَلَكٌ نَ قٍ شْنشِ مْولِ نَشَ لُ وٌ تَفِ.»

¹⁵«شَ شّمّ ندٍ كَقُ نُن سُبٍ رَ، وٌ شَ نَ شّمّ نُن نَ سُبٍ بِرِن قَشَ.»

¹⁶«شَ فِنّ ندٍ عَ مَسٌ سُبٍ رَ كَقُ بٌورٍحَ رَ، وٌ شَ نَ فِنّ نُن نَ سُبٍ قَشَ نَ قٍ حَاشِ شَ قٍ رَ.»

¹⁷«شَ شّمّ ندٍ كَقُ نُن عَ مَافِنّ رَ، عَ بَبَ شَ دِ فِنّ، شَ نَ مُ عَ رَ عَ نفَ شَ دِ فِنّ، قٍ مَيَافِشِ نَن عَ رَ. وٌ شَ عٍ كٍرِ عٍ شَ حَمَ يَ مَ، بَرِ مَ شّمّ بَرَ كَقُ نُن عَ مَافِنّ رَ. نَ كٌتٍ شَ لُ عَ شُن مَ.»

¹⁸«شَ شّمّ ندٍ كَقُ نُن فِنّ رَ نَشَن نَ عَ شَ كِكٍ وَلِ كُي، عَ وُلِ نَشَ مِنِ كّنّ مَ. عٍ قِرِنيِ بِرِن شَ كٍرِ حَمَ يَ مَ نَ قٍ مَ.»

¹⁹«وٌ نَشَ كَقُ نُن وٌ نفَ شُنيَ، شَ نَ مُ عَ رَ وٌ نفَ تَارَ رَ، شَ نَ مُ عَ رَ وٌ بَبَ مَافِنّ رَ، بَرِ مَ وٌ بَرِبٌورٍ نَن عٍ رَ. نَشَن نَ مْولِ رَبَمَ نَ كٌتٍ شَ لُ عَ شُن مَ.»

²⁰«شَ شّمّ ندٍ كَقُ نُن عَ بَبَ شُنيَ شَ فِنّ رَ، شَ نَ مُ عَ رَ عَ بَبَ تَارَ شَ فِنّ رَ، عٍ نَ كٌتٍ شَنِنمَ نّ. عٍ بِرِن قَمَ قَشَدٍ دِبَرِتَرٍحَ نَن كُي.»

²¹«شَ شّمّ ندٍ كَقُ نُن عَ شُنيَ شَ فِنّ رَ، شَ نَ مُ عَ رَ عَ كَقُ نُن عَ تَارَ شَ فِنّ رَ، عَ بَرَ قٍ سّنِيّنتَرٍ رَبَ. عٍ بِرِن قَمَ قَشَدٍ دِبَرِتَرٍحَ نَن كُي.»

²²«وٌ شَ ﭑ مَ سّرِيّ نُن ﭑ مَ يَامَرِ بِرِن نَبَتُ، وٌ شَ نَ بِرِن نَبَ، عَلَكٌ وٌ مُ قَمَ كٍرِدٍ كِ نَشّ بْشِ مَ ﭑ وٌ رَ سَبَتِمَ دّننَشّ.

²³وٌ نَشَ بِرَ نَ بْشِ سِيٍ شَ سّرِيّ قْشْ رَ، ﭑ قَمَ نَشٍيٍ كٍرِدٍ وٌ يَ رَ. عٍ نَشَن نَبَمَ نَ مُ رَقَنشِ ﭑ مَ قٍوٌ.

²⁴ﭑ بَرَ عَ قَلَ وٌ بّ نَ بْشِ قِندِ مَ وٌ فبٍ رَ. ﭑ بَرَ نَ بْشِ قِ وٌ مَ، شِحّ نُن كُمِ فبٍفبٍ نَ دّننَشّ. عَلَتَلَ نَن ﭑ نَ، وٌ مَرِفِ عَلَ، نَشَن وٌ سُفَندِشِ سِيٍ تَفِ.