لٍوِ سّرّشّدُبّ 19:9-24

⁹«وٌ نَ شّ شَبَ وٌ شْنيِ، وٌ نَشَ عَ تُشُييٍ شَبَ. بَلٌي نَشَن بِرَ مَ بْشِ مَ، وٌ شَ نَ لُ نَا.

¹⁰وٌ نَ وّنِ بٌفِ بَ وٌ شَ سَنسِيٍ كْن نَ، وٌ نَشَ فبِلٍن عَ مَ عَ قِرِن ندٍ. بٌفِ نَشٍيٍ قَن يٌلٌنمَ عٍ يّتّ مَ، وٌ شَ نٍيٍ قَن لُ نَ سٍتَرٍيٍ بّ، عَ نُن مِشِيٍ بّ نَشٍيٍ كٍلِشِ حَمَنّ فبّتّيٍ مَ. عَلَتَلَ نَن ﭑ نَ، وٌ مَرِفِ عَلَ.»

¹¹«وٌ نَشَ مُحّ تِ. وٌ نَشَ وُلٍ قَلَ. وٌ نَشَ وٌ بٌورٍ يَنقَ.

¹²وٌ نَشَ وٌ كَلِ ﭑ شِلِ رَ وُلٍ قَرِ، بَرِ مَ نَ كُي وٌ وٌ مَرِفِ عَلَ شِلِ نَن كَنَمَ. عَلَتَلَ نَن ﭑ نَ.»

¹³«وٌ نَشَ وٌ نفَشَكٍرٍنيِ تْورْ، وٌ نَشَ عَ مُحَ. وٌ نَشَ وٌ شَ وَلِكّ شَ وَلِ سَرٍ لُ هَن تِنَ.»

¹⁴«وٌ نَشَ تُلِشْرِ كٌنبِ، وٌ نَشَ دْنشُي رَبِرَ. وٌ شَ فَاشُ ﭑ تَن عَلَ يَ رَ. عَلَتَلَ نَن ﭑ نَ.»

¹⁵«وٌ نَشَ كِيتِ سَ تِنشِنتَرٍيَ رَ. وٌ نَشَ سٍتَرٍ رَقِسَ عَ بٌورٍ بّ، وٌ نَشَ بَننَ رَقِسَ عَ بٌورٍ بّ. وٌ شَ كِيتِ بِرِن سَ تِنشِنيِ رَ.

¹⁶وٌ نَشَ وٌ بٌورٍ مَقَلَ. وٌ نَشَ وٌ بٌورٍ تْوحّفّ عَلَكٌ عَ شَ قَشَ. عَلَتَلَ نَن ﭑ نَ.

¹⁷وٌ نَشَ وٌ نفَشَكٍرٍنيِ شْن. وٌ شَ وٌ بٌورٍ رَ سِ، عَلَكٌ وٌ نَشَ يُنُبِ سْتْ عَ شَ قٍ رَ.

¹⁸وٌ نَشَ وٌ فبٍحْشْ. وٌ نَشَ فبّسّنشْننّيَ رَفَتَ وٌ سٌندٌنيِ كُي وٌ نفَشَكٍرٍنيِ بّ. وٌ شَ وٌ بٌورٍ شَنُ عَلْ وٌ وٌ يّتّ شَنُمَ كِ نَشّ. عَلَتَلَ نَن ﭑ نَ.»

¹⁹«وٌ شَ ﭑ مَ يَامَرِيٍ رَبَتُ. وٌ نَشَ شُرُ سٍ مْولِ قِرِن رَتٍ عٍ بٌورٍ مَ. وٌ نَشَ سَنسِ مْولِ قِرِن سِ شّ كٍرٍن مَ. وٌ نَشَ دُفِ رَفٌرٌ وٌ مَ نَشَن دّفّشِ فّسّ مْولِ قِرِن نَ.»

²⁰«شَ شّمّ ندٍ نُن كٌنيِ فِنّ ندٍ كَقُ شّمّ فبّتّ نَشَن شَ كٌتٍ دْشْشِ، نَشَن شُن مُ سَرَشِ سِندٍن، نَشَن مُ شْرّيَشِ، عٍ شَ حَشَنكَتَ. كْنْ وٌ نَشَ عٍ قَشَ، بَرِ مَ كٌنيِ فِنّ نَن عَ رَ.

²¹نَ شّمّ شَ يّشّي كٌنتٌنيِ بَ يّتّ رَفبِلٍن سّرّشّ رَ ﭑ تَن عَلَتَلَ بّ هْرْ مْلِنفِرَ سٌدٍ دّ رَ.

²²سّرّشّدُبّ شَ نَ يّشّي كٌنتٌنيِ قِندِ شُنسَرٍ رَ عَ بّ ﭑ تَن عَلَتَلَ يَ عِ، عَ شَ قِندِ يّتّ رَفبِلٍن سّرّشّ رَ عَلَكٌ عَ شَ يُنُبِ شَ شَقَرِ.»

²³«وٌ نَ سٌ بْشِ كُي ﭑ نَشَن قِمَ وٌ مَ، وٌ نَشَ وٌ شَ سَنسِ سِشِيٍ بٌفِيٍ دٌن سِندٍن هَن حّ سَشَن. عٍ مُ سّنِيّن، عٍ لُشِ عَلْ سُننّتَرٍ. وٌ نَشَ عٍ دٌن.

²⁴نَشٍيٍ قَن بٌفِمَ حّ نَانِ ندٍ مَ، نَ بِرِن قِمَ ﭑ تَن عَلَتَلَ نَن مَ، عَ شَ قِندِ ﭑ مَ مَتْشْي رَ.