لٍوِ سّرّشّدُبّ 10:12-20

¹²عَننَبِ مُنسَ نَشَ عَ قَلَ هَرُنَ نُن عَ شَ دِ دْنشْييٍ بّ، عٍلٍيَسَرِ نُن عِتَمَرِ، «سَنسِ شْرِ دِنشِ نَشَن بَشِ سّرّشّ رَ عَلَتَلَ بّ، كْنْ نَشَن بِرِن مُ فَنشِ تّ رَ، وٌ شَ نَ دٌن سّرّشّبَدٍ قّ مَ. وٌ نَشَ لّبِنِ سَ عَ شُن مَ دٍ، بَرِ مَ عَ سّنِيّن.

¹³وٌ شَ عَ دٌن يِرٍ سّنِيّنشِ، بَرِ مَ عَ فَنشِ عَلَتَلَ بّ سّرّشّ فَن دَاشِيٍ نَن قّ مَ. نَ قِندِشِ عِ فبٍ نُن عِ شَ دِيٍ فبٍ نَن نَ. عَلَتَلَ سّرّشّدُبّيٍ يَمَرِشِ نَ نَن نَ.

¹⁴وٌ مَن شَ سّرّشّ سُبٍ كَنكٍ نُن تَبٍ دٌن يِرٍ سّنِيّنشِ نّ، نَشٍيٍ بَرَ لِنتَن عَلَ يَ عِ، عَ مَسٍنقٍ رَ عَ بّ. نٍيٍ قِندِشِ وٌ فبٍ نَن نَ، عِ تَن، عِ شَ دِ شّمّيٍ، نُن عِ شَ دِ فِنّيٍ. عَلَ بَرَ نَ يَامَرِ قِ عِسِرَيِلَكَيٍ مَ عٍ شَ شَنُنتٍيَ سّرّشّيٍ شَ قٍ رَ.

¹⁵تُرٍ نَشَن فَنمَ يٌ، تَبٍ نَشَن بَمَ يٌ، نُن كَنكٍ نَشَن لِنتَنمَ يٌ، عٍ شَ نَ بِرِن مَسٍن عَلَتَلَ بّ، نَ قَ قِندِ عِ فبٍ نُن عِ شَ دِيٍ فبٍ رَ، عَلْ عَلَتَلَ عَ يَمَرِشِ كِ نَشّ. سّرِيّ نَ عَ رَ نَشَن مُ كَنَمَ عَبَدَن.»

¹⁶عَننَبِ مُنسَ تٌ سِكْتّ شَ قٍ مَشْرِن، نَشَن بَ يُنُبِ شَقَرِ سّرّشّ رَ، عَ نَشَ عَ مّ عَ عٍ نُ بَرَ عَ بِرِن فَن تّ رَ، عَ نَشَ شْنْ عٍلٍيَسَرِ نُن عِتَمَرِ مَ، هَرُنَ شَ دِيٍ نَشٍيٍ مُ قَشَ. عَ نَشَ عَ قَلَ عٍ بّ،

¹⁷«مُنقٍ رَ وٌ مُ يِ يُنُبِ شَقَرِ سّرّشّ سُبٍ دٌنشِ يِرٍ سّنِيّنشِ؟ سّرّشّ سّنِيّنشِ نَ عَ رَ عَلَتَلَ نَشَن قِشِ وٌ مَ، عَلَكٌ عِسِرَيِلَ حَمَ شَ يُنُبِ شَ شَقَرِ، عَ قِندِ شُنسَرٍ رَ عٍ بّ عَلَتَلَ يَ عِ.

¹⁸يِ سّرّشّ وُلِ تٌ مُ سٌشِ يِرٍ سّنِيّنشِ مَ هْرْ مْلِنفِرَ كُي، عَ نُ لَن نّ وٌ شَ عَ سُبٍ دٌن يِرٍ سّنِيّنشِ نّ، عَلْ عَلَ ﭑ يَمَرِشِ عَ رَ كِ نَشّ.»

¹⁹هَرُنَ نَشَ عَننَبِ مُنسَ يَابِ، «تٌ عٍ بَرَ عٍ شَ يُنُبِ شَقَرِ سّرّشّ نُن عٍ شَ سّرّشّ فَن دَاشِ بَ عَلَتَلَ يَ عِ، كْنْ ﭑ تٌ بَرَ يِ قٍ شْرْشْي مْولِ سْتْ، عَلَتَلَ نْمَ تِندٍ ﭑ شَ يُنُبِ شَقَرِ سّرّشّ سُبٍ دٌن تٌ؟»

²⁰عَننَبِ مُنسَ تٌ نَ يَابِ مّ، عَ نَشَ تِن عَ رَ.