Kɔnti tife 24:15-22 in Susu

¹⁵ Na tɛmui Balami naxa yi masenyi ti a bɛ: «Beyori xa di xɛmɛ Balami xa masenyi nan ya, naxan see igbɛma a fanyi ra,

¹⁶ naxan Ala xui ramɛma, naxan Ala Xili Xungbe Kanyi xa laamatunyi toma, naxan fahaamui sɔtɔma Ala Xili Xungbe saabui ra.

¹⁷ N fe toxi naxan fama rabade yare. N fe toxi naxan makuya yakɔsi ra. Tunbui nde fama tede kelife Yaxuba xa mixie ma. Mangɛ tɔnxuma nde fama kelide Isirayila ya ma. A Mowaba xun nakanama nɛ, a Seti xa die xa fe ɲɔnma nɛ.

¹⁸ Edon xa fe goroma nɛ, Seyiri xa fe goroma nɛ, kɔnɔ Isirayila sɛnbɛ sɔtɔma nɛ.

¹⁹ Mangɛ nde kelima Yaxuba xa mixie ya ma, naxan bekae sɔntɔma.»

²⁰ Balami to Amalɛkikae to, a naxa yi masenyi ti: «Amalɛki si fisamante na nu a ra, kɔnɔ a raɲɔnyi, a bɔnɔma nɛ!»

²¹ Balami to Kenikae to, a naxa yi masenyi ti: «Wo sabatide mabanbanxi, wo tɛɛ saxi fanye nan fari,

²² kɔnɔ Asuri fama nɛ wo xun nakanade, a wo findi geelimanie ra.»

¹⁵ نَ تّمُي بَلَمِ نَشَ يِ مَسٍنيِ تِ عَ بّ؛ «بٍيٌرِ شَ دِ شّمّ بَلَمِ شَ مَسٍنيِ نَن يَ، نَشَن سٍيٍ عِفبّمَ عَ قَنيِ رَ،

¹⁶ نَشَن عَلَ شُي رَ مّمَ، نَشَن عَلَ شِلِ شُنفبٍ كَنيِ شَ لَامَتُنيِ تٌمَ، نَشَن قَهَامُي سْتْمَ عَلَ شِلِ شُنفبٍ سَابُي رَ.

¹⁷ ﭑ قٍ تٌشِ نَشَن قَمَ رَبَدٍ يَرٍ. ﭑ قٍ تٌشِ نَشَن مَكُيَ يَكْسِ رَ. تُنبُي ندٍ قَمَ تٍدٍ كٍلِقٍ يَشُبَ شَ مِشِيٍ مَ. مَنفّ تْنشُمَ ندٍ قَمَ كٍلِدٍ عِسِرَيِلَ يَ مَ. عَ مٌوَبَ شُن نَكَنَمَ نّ، عَ سٍتِ شَ دِيٍ شَ قٍ حْنمَ نّ.

¹⁸ عٍدٌن شَ قٍ فٌرٌ مَ نّ، سٍيِرِ شَ قٍ فٌرٌ مَ نّ، كْنْ عِسِرَيِلَ سّنبّ سْتْمَ نّ.

¹⁹ مَنفّ ندٍ كٍلِمَ يَشُبَ شَ مِشِيٍ يَ مَ، نَشَن بٍكَيٍ سْنتْمَ.»

²⁰ بَلَمِ تٌ عَمَلّكِكَيٍ تٌ، عَ نَشَ يِ مَسٍنيِ تِ؛ «عَمَلّكِ سِ قِسَمَنتٍ نَ نُ عَ رَ، كْنْ عَ رَحْنيِ، عَ بْنْمَ نّ!»

²¹ بَلَمِ تٌ كٍنِكَيٍ تٌ، عَ نَشَ يِ مَسٍنيِ تِ؛ «وٌ سَبَتِدٍ مَبَنبَنشِ، وٌ تّي سَشِ قَنيٍ نَن قَرِ،

²² كْنْ عَسُرِ قَمَ نّ وٌ شُن نَكَنَدٍ، عَ وٌ قِندِ فٍيلِمَنِيٍ رَ.»