كْنتِ تِقٍ 22:24-37

²⁴عَلَتَلَ شَ مَلٍكّ مَن نَشَ سَ تِ عٍ شَ كِرَ دِ شْن مَ وّنِ بِلِيٍ تّتّ قِرِنيِيٍ تَفِ.

²⁵سٌقَلٍ تٌ عَلَتَلَ شَ مَلٍكّ تٌ، عَ نَشَ عَ رَشّتّن تّتّ رَ، عَ بَلَمِ سَنيِ شّتّن تّتّ رَ عَ حَاشِ رَ. بَلَمِ نَشَ فبِلٍن عَ بْنبْ رَ.

²⁶عَلَتَلَ شَ مَلٍكّ مَن نَشَ سَ تِ يِرٍ رَشّتّنشِ عَ قَنيِ رَ. دَنفِدٍ يٌ مُ نُ نَ.

²⁷سٌقَلٍ تٌ عَلَتَلَ شَ مَلٍكّ تٌ، عَ نَشَ عَ سَ بَلَمِ بُن مَ. بَلَمِ نَشَ شْنْ عَ مَ، عَ عَ بْنبْ عَ شَ يِسُشُوُرِ رَ.

²⁸نَ كُي، عَلَتَلَ نَشَ سٌقَلٍ دّ رَ مِنِ، عَ عَ نِيَ عَ شَ عَ قَلَ بَلَمِ بّ، «عَ سَشَن ندٍ نَن يِ كِ عِ ﭑ بْنبْمَ. ﭑ مُنسٍ رَبَشِ عِ رَ؟»

²⁹بَلَمِ نَشَ عَ يَابِ، «عِ ﭑ مَتَندِشِ نّ. شَ سَنتِدّفّمَ نَ ﭑ يِ رَ نُ، ﭑ عِ قَشَمَ نّ كٍرٍن نَ.»

³⁰سٌقَلٍ نَشَ عَ قَلَ بَلَمِ بّ، «ﭑ تَن شَ مُ عِ شَ سٌقَلٍ رَ، عِ تٍمَ نَشَن قَرِ تّمُي بِرِن؟ ﭑ دَرِشِ يِ مْولِ رَبَ رَ؟» بَلَمِ نَشَ عَ يَابِ، «عَدٍ.»

³¹نَ تّمُي عَلَتَلَ نَشَ بَلَمِ يَ رَبِ مَلٍكّ تٌقٍ رَ، عَ تِشِ كِرَ تَفِ، عَ شَ سَنتِدّفّمَ بَشِ عَ تّ عِ، عَ سُشُشِ عَ بّلّشّ. بَلَمِ نَشَ عَ قٍلٍن، عَ سُيِدِ كٍرٍن نَ.

³²مَلٍكّ نَشَ عَ مَشْرِن، «مُنقٍ رَ عِ بَرَ عِ شَ سٌقَلٍ بْنبْ سَنيَ سَشَن؟ ﭑ قَشِ نّ ﭑ شَ كِرَ عِبٌلٌن عِ يَ رَ، بَرِ مَ عِ نَ كِرَ نَشَن شْن يِ كِ، مُرُتّلَ شَ كِرَ نَ عَ رَ.

³³عِ شَ سٌقَلٍ بَرَ عِ رَتَنفَ ﭑ مَ سَنيَ سَشَن. شَ عَ تَن مُ عَ رَ نُ، ﭑ بَرَ عِ قَشَ نُ، كْنْ ﭑ مُ عَ تَن قَشَمَ.»

³⁴بَلَمِ نَشَ عَ قَلَ عَ بّ، «ﭑ بَرَ يُنُبِ رَبَ! ﭑ مُ نُ عَ كٌلٌنشِ، عِ تِشِ ﭑ يَ رَ. كْنْ يَكْسِ، شَ يِ بِيَاسِ مُ عِ كّنّنشِ، ﭑ شَ فبِلٍن ﭑ شْنيِ.»

³⁵عَلَتَلَ شَ مَلٍكّ نَشَ عَ مَسٍن، «عَدٍ، عِ شَ بِرَ يِ مِشِيٍ قْشْ رَ، كْنْ ﭑ نَ مَسٍنيِ نَشَن مَسٍن عِ بّ، عِ نَ نَن قَلَمَ.» نَ كُي، بَلَمِ نُن بَلَكِ شَ شّيرَيٍ نَشَ سِفَ.

³⁶بَلَكِ تٌ عَ مّ عَ بَلَمِ نَ قَقٍ، عَ نَشَ سِفَ عَ رَلَندٍ تَا ندٍ مَ عَرِنٌن شُرٍ دّ رَ، مٌوَبَ شَ نَانِنيِ يِرٍ.

³⁷عَ نَشَ بَلَمِ مَشْرِن، «مُنقٍ رَ عِ مُ قَ ﭑ مَ شّيرَيَ سِنفٍ شِلِ مَ؟ عِ حْشْ عَ مَ ﭑ مُ نْمَ عِ سَرٍ قِدٍ؟»