كْنتِ تِقٍ 20:10-23

¹⁰مُنسَ نُن هَرُنَ نَشَ حَمَ مَلَن نَ قَنيٍ يَ رَ، عٍ قَ عَ قَلَ عٍ بّ، «وٌ تُلِ مَتِ، وٌ تَن مَتَندِلَيٍ. مُشُ شَ يٍ رَ مِنِ وٌ بّ يِ قَنيٍ كُي؟»

¹¹مُنسَ نَشَ عَ بّلّشّ عِتٍ، عَ قَنيٍ بْنبْ سَنيَ قِرِن عَ شَ يِسُشُوُرِ رَ. يٍ نَشَ فبُسَن قَنيٍ رَ، حَمَ نُن شُرُ سٍ بِرِن نَشَ عٍ مِن.

¹²كْنْ عَلَتَلَ نَشَ عَ مَسٍن مُنسَ نُن هَرُنَ بّ، «وٌ تٌ مُ لَشِ ﭑ نَ، عِسِرَيِلَ حَمَ يَ شْرِ، وٌ شَ بِنيّ تِ ﭑ تَن سّنِيّنتْي مَ، وٌ تَن مُ قَمَ يِ حَمَ رَ سٌدٍ نَ بْشِ مَ ﭑ دّننَشّ قِشِ عٍ مَ.»

¹³عٍ مّننِ نَن شِلِ مٍرِبَ يٍ، بَرِ مَ عِسِرَيِلَكَيٍ سْنشْ عَلَتَلَ مَ مّننِ نّ، عَ قَ عَ شَ سّنِيّنيِ مَسٍن عٍ بّ.

¹⁴مُنسَ نَشَ شّيرَيٍ شّي عٍدٌن مَنفّ مَ كٍلِ كَدٍ سِ، عَ قَلَقٍ رَ عَ بّ، «عِ نفَشَكٍرٍنيِ عِسِرَيِلَكَيٍ شُي نَن يَ! عِ عَ كٌلٌن مُشُ تْورْشِ كِ نَشّ.

¹⁵مُشُ بٍنبَيٍ فٌرٌ نّ مِسِرَ، مُشُ نَشَ حّ وُيَشِ رَبَ مّننِ. كْنْ مِسِرَكَيٍ نَشَ مُشُ نُن مُشُ بٍنبَيٍ حَشَنكَتَ.

¹⁶مُشُ نَشَ عَلَتَلَ مَشَندِ، عَ قَ مُشُ شُي رَ مّ. عَ نَشَ عَ شَ مَلٍكّ شّي مُشُ رَ مِنِدٍ مِسِرَ. يَكْسِ مُشُ نَ بٍ كَدٍ سِ نَشَن نَ وٌ شَ نَانِنيِ رَ.

¹⁷عَ لُ مُشُ شَ دَنفِ وٌ شَ بْشِ تَفِ. مُشُ مُ وٌ شَ شّيٍ نُن وٌ شَ وّنِ بِلِيٍ كَنَمَ. مُشُ مُ يٍ بَمَ وٌ شَ كْلْنيِيٍ كُي. مُشُ مُ سِفَمَ كْولَ مَ، مُشُ مُ قَمَ يِرٍقَنيِ مَ. مُشُ تِمَ وٌ شَ كِرَ شُنفبٍ كٍرٍنيِ نَن شْن، هَن مُشُ دَنفِمَ وٌ شَ بْشِ رَ تّمُي نَشّ.»

¹⁸عٍدٌن مَنفّ نَشَ عَ يَابِ، «وٌ مُ دَنفِمَ مُشُ شَ بْشِ رَ قٍقٍ مَ، شَ نَ مُ مُشُ وٌ فٍرٍ مَ سَنتِدّفّمَ نَن نَ.»

¹⁹عِسِرَيِلَكَيٍ مَن نَشَ عَ قَلَ عَ بّ، «مُشُ تَن دَنفِمَ نّ كِرَ شْن. شَ مُشُ نُن مُشُ شَ شُرُ سٍيٍ وٌ شَ يٍ ندٍ مِن، مُشُ شَ عَ سَرٍ قِ. مُشُ مُ عِ مَشْرِنشِ سٍسٍ مَ، مُشُ وَ مَ دَنفِقٍ نّ تُن.»

²⁰عٍدٌن مَنفّ مَن نَشَ عَ يَابِ، «وٌ مُ دَنفِمَ قٍوٌ!» نَ كُي، عَ نَشَ عَ شَ سْورِيٍ رَ مِنِ عَ سّنبّ كِ مَ عِسِرَيِلَكَيٍ يَ رَ.

²¹عٍدٌن مَنفّ تٌ تٌندِ عِسِرَيِلَكَيٍ شَ دَنفِ عَ شَ بْشِ رَ، عِسِرَيِلَ نَشَ فبِلٍن.

²²عِسِرَيِلَ حَمَ نَشَ كٍلِ كَدٍ سِ، عٍ نَشَ سِفَ هٌرٌ فٍيَ يِرٍ.

²³عَلَتَلَ نَشَ عَ قَلَ مُنسَ نُن هَرُنَ بّ هٌرٌ فٍيَ يِرٍ، عٍدٌن شَ بْشِ نَانِنيِ رَ،