كْنتِ تِقٍ 19:12-20

¹²عَ شَ عَ يّتّ رَ سّنِيّن يِ مَرَ سّنِيّن يٍ رَ عَ شِ سَشَن ندٍ نُن عَ شِ سٌلٌقٍرٍ ندٍ مَ. شَ عَ مُ عَ رَبَ نَ شِ سَشَن ندٍ نُن نَ شِ سٌلٌقٍرٍ ندٍ مَ، عَ مُ سّنِيّنمَ.

¹³شَ نَشَن يٌ دِن مِشِ قَشَشِ قُرٍ رَ، عَ قَ لُ عَ مُ عَ يّتّ رَ سّنِيّن، نَ كَنيِ شَ سّنِيّنتَرٍحَ دَنفِمَ نّ عَلَتَلَ شَ هْرْ مْلِنفِرَ مَ. نَ كَنيِ شَ كٍرِ عِسِرَيِلَكَيٍ يَ مَ. مَرَ سّنِيّن يٍ تٌ مُ كَسَنشِ عَ مَ، عَ مُ سّنِيّنشِ.»

¹⁴«سّرِيّ نَن يَ؛ شَ مِشِ قَشَ كِرِ بَنشِ ندٍ كُي، مِشِ يٌ نَشَن نَ نَا، شَ نَ مُ عَ رَ عَ سٌمَ نَا، نَ كَنيِ قِندِ مَ مِشِ سّنِيّنتَرٍ نَن نَ شِ سٌلٌقٍرٍ بُن مَ.

¹⁵سٍسَسٍ رَبِشِ بِرِن قِندِ مَ سٍ سّنِيّنتَرٍ رَ.

¹⁶مِشِ نَشَن دِن مِشِ قَشَشِ رَ وُلَ عِ، نَشَن بَرَ قَشَ عَ حَاشِ رَ، شَ نَ مُ عَ قَشَ عَ يّتّ مَ، نَ كَنيِ قِندِ مَ سّنِيّنتَرٍ نَن نَ شِ سٌلٌقٍرٍ بُن مَ. نَشَن دِن مِشِ قَشَشِ شْرِيٍ رَ، شَ نَ مُ عَ فَبُرِ رَ، نَ قَن مُ سّنِيّنشِ شِ سٌلٌقٍرٍ بُن مَ.»

¹⁷«عَ لَنمَ نَ مِشِ مْولِ شَ سّنِيّن يٍ رَ، نَشَن مَسُنبُشِ نَ نِنفٍ فَنشِ شُبٍ رَ. نَ يٍ شَ تٌنفٌ دُلٌنيِ يِرٍ، شَ نَ مُ عَ رَ شُرٍ.

¹⁸شّمّ سّنِيّنشِ ندٍ شَ هِسٌثِ وُرِ سَلٌنيِ تٌنفٌ، عَ عَ رَ سِن نَ يٍ شْورَ، عَ عَ كَسَن نَ كِرِ بَنشِ مَ، عَ كُي سٍ بِرِن مَ، نُن مِشِيٍ مَ نَشٍيٍ نُ نَ عَ كُي. عٍ مَن شَ نَ رَبَ مِشِ رَ نَشَن دِنشِ مِشِ قُرٍ رَ، نَشَن قَشَ عَ حَاشِ رَ، شَ نَ مُ عَ رَ نَشَن قَشَ عَ يّتّ مَ، عَ نُن مِشِ نَشَن دِنشِ مِشِ شْرِيٍ رَ، شَ نَ مُ فَبُرِ رَ.

¹⁹مِشِ سّنِيّنشِ شَ نَ يٍ كَسَن مِشِ سّنِيّنتَرٍ مَ عَ شِ سَشَن ندٍ نُن عَ شِ سٌلٌقٍرٍ ندٍ. عَ نَ فّ نَ رَ، عَ شَ عَ يّتّ نُن عَ شَ سٌسٍيٍ مَشَ يٍ رَ، عَ قَ قِندِ مِشِ سّنِيّنشِ رَ نَ شِ سٌلٌقٍرٍ نُنمَرٍ رَ.»

²⁰«مِشِ نَشَن تٌندِ عَ يّتّ رَ سّنِيّندٍ، نَ كَنيِ شَ كٍرِ حَمَ يَ مَ، بَرِ مَ عَ شَ سّنِيّنتَرٍحَ دَنفِمَ نّ عَلَتَلَ شَ هْرْ مْلِنفِرَ مَ. عَ تٌ مُ كَسَنشِ مَرَ سّنِيّن يٍ رَ، عَ مُ سّنِيّنشِ.