كْنتِ تِقٍ 15:8-21

⁸«شَ وٌ وَ مَ نِنفٍ بَقٍ سّرّشّ رَ نَشَن نَقَن عَلَتَلَ مَ، عَلْ سّرّشّ فَن دَاشِ، لَايِدِ سّرّشّ، شَنُنتٍيَ سّرّشّ،

⁹وٌ شَ سَنسِ شْرِ دِنشِ سّرّشّ سَ نَ قَرِ، نَشَن قِندِ مَ سَنسِ شْرِ دِنشِ لُشُتَشِ كِلٌ سٌلٌمَنَانِ نَشَن مَسُنبُشِ تُرٍ لِتِرِ سَشَن نَ،

¹⁰عَ نُن وّنِ لِتِرِ سَشَن. نَ فَنشِ رَقَن عَلَتَلَ مَ.»

¹¹«نَ نَن نَبَمَ نِنفٍيٍ، يّشّي كٌنتٌنيِيٍ، يّشّييٍ، نُن سِيٍ بِرِن بّ وٌ نَشَن بَمَ سّرّشّ رَ.

¹²وٌ شَ نَ رَبَ شُرُ سٍ بِرِن بّ.

¹³عِسِرَيِلَكَ بِرِن شَ عَ رَبَ نَ كِ نّ عٍ شَ سّرّشّ بِرِن بّ، عٍ نَشَن بَمَ تّ رَ عَلَتَلَ بّ.

¹⁴شْحّ نَشٍيٍ نَ وٌ يَ مَ، عٍ قَن شَ عَ رَبَ نَ كِ عٍ سّرّشّ فَن دَاشِ بَمَ تّمُي نَشّ. نَ رَقَن عَلَتَلَ مَ.

¹⁵سّرِيّ كٍرٍن نَن لُمَ حَمَ بِرِن بّ، عِسِرَيِلَكَيٍ بَ، شْحّيٍ بَ. كٍلِ وٌ تَن مَ، هَن وٌ شَ دِيٍ، نُن نٍيٍ قَن شَ دِيٍ نَشٍيٍ قَمَ، وٌ تَن يٌ، شْحّ يٌ، وٌ بِرِن شَ عَلَتَلَ شَ سّرِيّ سُشُ نَ كِ نّ.

¹⁶عِسِرَيِلَكَيٍ بَ، شْحّيٍ بَ، وٌ بِرِن نَ سّرِيّ كٍرٍن نُن يَامَرِ كٍرٍن نَن بُن مَ.»

¹⁷عَلَتَلَ نَشَ عَ مَسٍن مُنسَ بّ،

¹⁸«عَ قَلَ عِسِرَيِلَكَيٍ بّ، ‹وٌ نَ سٌ بْشِ مَ، ﭑ وٌ رَ سٌقٍ دّننَشّ،

¹⁹وٌ قَ نَ بْشِ دَشَمُي سْتْ، وٌ شَ ندٍ بَ سّرّشّ رَ ﭑ بّ.

²⁰وٌ نَ تَامِ سِنفٍ يَءِلَن سَنسِ شْرِ نّينّ رَ، وٌ شَ ندٍ بَ سّرّشّ رَ ﭑ بّ، عَلْ وٌ سَنسِ شْرِ نّينّ ندٍ بَمَ كِ نَشّ شّ شَبَ تّمُي لٌنيِ يِرٍ.

²¹وٌ شَ نَ تَامِ سِنفٍ بَ عَلَتَلَ بّ حّ يٌ حّ.›»