كَوَندِلَ 9:5-16

⁵نَشٍيٍ بَلٌشِ، نٍيٍ عَ كٌلٌن عَ عٍ قَشَمَ نّ، كْنْ مِشِ قَشَشِيٍ تَن مُ قٍقٍ كٌلٌن. سَرٍ قِ يٌ مُ نَ عٍ بّ سْنْن، عٍ شَ قٍ يَتِ بَرَ نّيمُ مِشِيٍ رَ.

⁶عٍ شَ شَنُنتٍيَ، عٍ شَ شْننَنتٍيَ، عٍ وَشْنقٍ، نٍيٍ بِرِن بَرَ حْن. عٍ تَن فبٍ يٌ مُ نَ يِ دُنِحَ قٍيٍ تَن يَ مَ سْنْن.

⁷سِفَ، عِ عِ دّفٍ سّيوّ كُي، عِ عِ شَ وّنِ مِن بْحّ قَنيِ كُي. عَلَ وَ مَ نَ نَن شْن عِ بّ.

⁸عِ شَ سٌسٍ قِيشّ رَفٌرٌ عِ مَ، عِ شَ لَبُندّ قَنيِ سَ عِ قَتٍ مَ.

⁹عِ شَ دُنِحَ عِفِرِ سّيوّ كُي وٌ نُن عِ شَنُنتٍنيِ فِنّ. عَلَ بَرَ يِ سِمَيَ نَن قِ عِ مَ. هَلِ عَ تٌ دَنفِمَ عَلْ قٌيٍ، هَلِ عَ شْرْشْ، عَلَ شَ مَرَفِرِ نَ عَ رَ عِ بّ.

¹⁰عِ نْمَ وَلِ نَشَن نَ، عِ شَ نَ رَبَ عِ سّنبّ بِرِن نَ، بَرِ مَ عِ نَشَن نَبَمَ دُنِحَ مَ، عَلْ وَلِقٍ، قٍ مَتٌقٍ، قٍ قَهَامُقٍ، نُن قٍ كٌلٌنقٍ، نَ سٍسٍ مُ نَ عَلِفِيَمَ عِ سِفَقٍ دّننَشّ.

¹¹ﭑ مَن بَرَ قٍ فبّتّ تٌ يِ دُنِحَ مَ؛ نَشَن شُلُن دَنفِ عَ بٌورٍ رَ، عَ مُ فبَتَ فٍينِمَ تّمُي بِرِن شّ، نَشَن سّنبّ فبٌ دَنفِ عَ بٌورٍ رَ، عَ مُ فٍرٍ فٍينِمَ تّمُي بِرِن شّ، نَشَن شَشِلِ قَن عَ بٌورٍ بّ، عَ مُ دٌنسٍ سْتْمَ تّمُي بِرِن شّ، نَشَن مَ لْننِ دَنفِ عَ بٌورٍ رَ، عَ مُ نَاقُلِ سْتْمَ تّمُي بِرِن شّ، نَشَن شَ قَهَامُي فبٌ عَ بٌورٍ بّ، عَ مُ هِننّ سْتْمَ تّمُي بِرِن شّ. عَلَ شَ مَرَفِرِ تَن قٍ بِرِن نَبَمَ عَ وَشَتِ نّ.

¹²مِشِ يٌ مُ عَ كٌلٌن قٍ قَمَ عَ لِدٍ تّمُي نَشّ؛ يّشّ سُشُمَ نّ يّلّ شْرْشْي كُي، شْنِ سُشُمَ نّ فَنتَنيِ رَ. نَ كِ قٍ شْرْشْي عَدَ مَدِ تّرّننَمَ نّ كٍرٍنيِ رَ.

¹³ﭑ مَن بَرَ يِ شَشِلِمَيَ مِسَالِ تٌ دُنِحَ مَ نَشَن تِدٍ فبٌ.

¹⁴تَا شُرِ ندٍ نُ نَ، مِشِ مُ نُ فبٌ دّننَشّ. مَنفّ سّنبّمَ ندٍ نَشَ نَ تَا فٍرٍ، عَ قَ تٍدٍ يَءِلَن نَ تَا تّتّ بُنيِ.

¹⁵نَ تَاكَ ندٍ نُ نَ، نَشَن قِندِشِ سٍتَرٍ شَشِلِمَ رَ. عَ نَشَ نَ تَا رَكِسِ عَ شَ شَشِلِمَيَ سَابُي رَ، كْنْ نَ دَنفِ شَنبِ مِشِ يٌ مُ رَتُ عَ شَ قٍ مَ.

¹⁶نَ كُي ﭑ نَشّ، شَشِلِمَيَ قِسَ حَلَمَيَ بّ، كْنْ سٍتَرٍ شَ شَشِلِمَيَ مَبٍرٍ مَ نّ، مِشِ مُ عَ شَ مَسٍنيِ سُشُمَ.