كَوَندِلَ 5:6-19

⁶شِيٍ وُيَشِ سَقٍ نُن وْيّنيِ تِقٍ قِندِشِ قٍ قُقَقُ نَن نَ. نَ كُي عَ لَنمَ عِ شَ فَاشُ عَلَ يَ رَ.

⁷عِ نَشَ تّرّننَ شَ عَ سَ لِ عِ مِشِيٍ تٌمَ تَا كُي نَشٍيٍ قُمَ مِسِكِينّيٍ مَ، عٍ سّرِيّ كَنَ، عٍ كِيتِ حَاشِ سَ تِنشِنتْييٍ مَ. مَنفّ عَ بٌورٍ مَنفّ نَن مَلِمَ، هَن عَ مَنفّيَ شُنفبٍ سْتْ.

⁸عٍ بِرِن فٍينِمَ شّ سَمَيٍ نَن سَابُي رَ، هَلِ مَنفّ شُنفبٍ.

⁹كْبِرِ رَقَن مِشِ نَشَن مَ، عَ مُ وَ سَمَ. بَننَيَ رَقَن نَشَن مَ، عَ نَاقُلِ مُ عَ رَلِمَ. قٍ قُقَقُ نَن نَ كِ.

¹⁰هَرِفٍ فبٌمَ كِ نَشّ، عَ دٌنمَيٍ قَن فبٌمَ نَ كِ نّ. نَ كُي مُنَقَنيِ مُندُن نَ هَرِفٍ كَنيِ بّ، بَ عَ يَ تِقٍ رَ عَ هَرِفٍ رَ؟

¹¹وَلِكّ لُفَ بَ، عَ مُ لُفَ بَ، عَ شِشْلِ قَنيِ رَبَمَ نّ. كْنْ بَننَ شَ نَاقُلِ عَ نِيَمَ نّ عَ مُ شِشْلِ قَنيِ رَبَ.

¹²ﭑ قٍ مَفَاشُشِ ندٍ رَكْرْ سِشِ يِ دُنِحَ مَ؛ كَنكَنقٍ بَننَيَ مَ هَن عَ بَننَ تْورْ،

¹³شَ نَ مُ عَ رَ، بَننَيَ لْيقٍ تْورّ ندٍ سَابُي رَ، عَ قَ لِ بَننَ شَ دِ مُ كّ سْتْ.

¹⁴عَدَ مَدِ مِنِ كِ نَشّ عَ نفَ تّفّ، عَ مَن فبِلٍنمَ بّندّ عَ مَفٍلِ رَ نَ كِ نّ. عَ مُ سٍسٍ شَنِنمَ عَ شُن مَ عَ نَشَن سْتْ عَ شَ وَلِ كُي.

¹⁵يِ قٍ شْرْشْ. عَدَ مَدِ قَ كِ نَشّ يِ دُنِحَ مَ، عَ مَن سِفَمَ نَ كِ نّ. عَ شَ كَتّ قِندِشِ قٍ قُقَقُ نَن نَ.

¹⁶عَ دُنِحَ عِفِرِ مَ دِ مِ نَن كُي، كْنتْقِلِ، تْورّ، نُن بْحّ مَحَاشُي كُي.

¹⁷نَ كُي ﭑ نَشَ عَ قَهَامُ عَ قَن عَدَ مَ بّ شَ عَ عَ دّفٍ، عَ عَ مِن، عَ سّيوَ عَ شَ وَلِ رَ، عَ نَشَن نَبَمَ دُنِحَ مَ عَ شَ سِمَيَ كُي، عَلَ نَشَن نَفِرِشِ عَ مَ نَ نَن قِندِشِ عَ شَ فٍينِ رَ.

¹⁸شَ عَلَ عَ رَفِرِ مِشِ مَ عَ شَ هَرِفٍ سْتْ، عَ قَ سّيوَ نَ رَ هَن عَ وَ سَ، نَ بَرَ قِندِ عَلَ شَ كِ نَن نَ.

¹⁹نَ كُي، عَ مُ كْنتْقِلِمَ عَ شَ سِمَيَ شَ دُنكٍ شَ قٍ رَ، بَرِ مَ عَلَ بَرَ عَ نِيَ عَ بْحّ شَ لُ سّيوّ كُي تُن.